澳門31T巴士

澳門31T巴士，舊時叫外港碼頭免費接駁專線同31號，係一條由澳巴做緊，由澳門綜藝館臨時站來回外港客運碼頭嘅循環巴士線。

澳門31T號巴士
澳門巴士路線系統
管理資訊
監管者				交通事務局
經營者				File:澳巴.png澳巴
路線資訊
路線圖				一覽 綜藝館臨時站 外港客運碼頭 [[澳門綜藝館臨時站]]
路線性質				循環
服務資訊
服務時間				大賽車期間提供服務
班次間隔				五分鐘
全程收費				免費

背景

外港碼頭免費接駁專線

2005年11月17號，澳門舉行格蘭披治大賽車期間，外港客運碼頭附近實施臨時交通措施，原本行經外港碼頭嘅巴士線全部改道唔再停「外港碼頭」站，兩間專營巴士公司新福利同澳巴為咗紓緩外港碼一帶的交通壓力所以開咗一條聯營嘅綜藝館至外港碼頭接駁專線，試車日到正式比賽嘅第一日服務時間係朝早六點半到凌晨十二點四十分，正式比賽嘅第二日服務時間係朝早六點半到賽事結束（晚黑七點），五分鐘一班。

2006年11月16號，澳門舉行格蘭披治大賽車期間，每年都繼續開辦呢條巴士線，班次就調整做四到六分鐘一班。

2010年11月18號，調整呢條巴士線試車日到正式比賽嘅第一日服務時間係朝早六點半到凌晨十二點半，正式比賽嘅第二日服務時間係朝早六點半到賽事結束（晚黑七點）。

31號

2011年8月1號，新巴士營運模式正式實行，呢條線判咗畀維澳蓮運嚟做，同埋編咗個31號冧巴畀呢條線，班次就調整做四到五分鐘一班。

2013年10月1號晚黑十一點，維澳蓮運發出公開聲明，宣佈已經正式申請破產。

2013年10月2號，交通事務局局長汪雲宣佈，接管維澳蓮運維持營運，為期六個月。

2013年12月4號，維澳蓮運被法院宣佈破產，進入清盤程序。

2014年7月1號，呢條線由新時代接手嚟做，班次就調整做五分鐘一班。

2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線同澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行。

31T

2018年4月21號，澳門巴士票價調整，全程收費係六蚊葡幣，唔再分區收費，只分X尾係快線，用澳門通畀錢要畀多一蚊葡幣，由於呢條線唔係快線同埋係特別活動先開辦，而且免費，所以將呢條線由31號改冧巴做31T。

走線

車費

免費。

服務

服務時間	澳門格蘭披治大賽車期間
綜藝館臨時站	試車日到正式比賽嘅第一日：朝早六點半到凌晨十二點半 正式比賽嘅第二日：朝早六點半到晚黑七點
班次	五分鐘

停站

去綜藝館臨時站方向
綜藝館臨時站 外港碼頭 綜藝館臨時站

睇埋

• 澳門巴士線一覽
• 澳門巴士轉乘服務
• 澳門巴士車費優惠計劃

拎

• （繁體中文）澳門公共汽車股份有限公司