澳門公共汽車有限公司
(由澳巴跳轉過嚟)
澳門公共汽車股份有限公司（簡稱澳巴或TCM）係澳門嘅專利巴士營辦商之一。原本主要服務澳門海島地區，但係因為澳門半島嘅公共交通競爭力較強，所以近年嘅主力路線轉為澳門半島路線同埋由澳門到離島嘅路線。
 | |
| 類型 | 巴士公司 |
|---|---|
| 開檔 | 1974年 |
| 總部地址 | 澳門 |
| 緊要人物 | 董事長：吳褔 董事總經理：李維仕先生 副總經理：區重光 |
| 產業 | 公共汽車（巴士） |
| 產品 | 巴士服務 |
| 員工人數 | 約450人 |
| 母公司 | 南光（集團）有限公司 |
| 網址 | 澳門公共汽車有限公司官方網頁 |
澳巴嘅前身叫做澳門海島市小輪船有限公司，喺澳門半島同路環島、氹仔地區提供渡輪服務，重提供路氹地區（統稱海島市）內嘅巴士服務。喺1974年嘉樂庇總督大橋通車之後，佢開始進一步提供澳門半島至海島市嘅巴士服務，並喺1986年正式改組為澳門公共汽車有限公司。
澳門主權移交之後，澳門政府喺巴士專營權2010年10月14號屆滿前，決定改變巴士服務經營權，改為由巴士公司承包服務，因此交通事務局喺2009年底為巴士服務招標，但佢話澳巴「過咗截標時間4分鐘至提交標書」，所以唔接納澳巴嘅標書，令澳巴面臨結業。經過多個月上訴程序，交通事務局最終喺2010年8月宣佈批出一個標段嘅巴士線畀澳巴，新約喺2011年8月1號生效。
2018年8月1號，同樣有承包澳門巴士線嘅澳門新時代公共汽車股份（前身係維澳蓮運）併入澳巴。
