澳門32T巴士

澳門32T巴士，舊時叫32X，係一條由新福利做緊，由旅遊塔來回亞馬喇前地嘅循環巴士線。

澳門32T號巴士
澳門巴士路線系統
管理資訊
監管者				交通事務局
經營者				File:新福利.png新福利
所屬車廠				旅遊塔車場
路線資訊
路線圖				一覽 澳門旅遊塔 燒灰爐 巴掌圍 亞馬喇前地 區華利前地 南灣湖景大馬路 澳門旅遊塔
路線性質				循環
服務資訊
服務時間				美食節、放煙花、除夕倒數活動期間服務
班次間隔				十到十五分鐘
全程收費				六蚊葡幣

背景

32X

32X未成立之前，每逄美食節、放煙花、除夕倒數活動期間嗰陣，「澳門旅遊塔」站都會被大量人流逼爆，等18、9A、32號巴士走人。

2016年，交通事務局第一次響美食節同放煙花期間成立呢條線，畀咗新福利做。

2018年4月16號，交通事務局召開記者會，公佈巴士加價同回應4月15號嘅氹仔嘉樂庇總督馬路巴士奪命交通意外，會上交通事務局局長林衍新局先公佈會響4月21號澳門所有公共巴士統一收六蚊葡幣，用澳門通拍卡畀錢就分普通線同快線收費，普通線收三蚊葡幣而快線就收四蚊，餘額由政府補貼，學生卡就響澳門通嘅價錢上再半價，老人同殘疾人士免費，將原本傾好嘅分澳門居民澳門通同普通澳門通收費（普通澳門通重有補助不過補少啲）、學生寒暑假期間取消優惠、老人同殘疾人士卡朝早同晏晝繁忙時間取消優惠（唔想老人同殘疾人士同返工啲人逼車）嘅全部內容唔實行，又將六十分鐘入面補差價由澳門線轉氹仔線嘅轉乘安排取消，澳門線轉氹仔線同澳門線轉澳門線轉乘時間一樣四十五分鐘，轉路環線就保留六十分鐘轉乘時間，林衍新話加價係基於澳門巴士好多年都冇加價（同樣理由已經響早排交通事務局服務費、鎖轆費、分階段調整咪錶收費用過），同埋佢嘅局預算冇加，但係補貼巴士公司嘅錢就不停噉加，所以點都要加，重話加幅比2008年巴士加價幅度細，調整幅度相對溫和，被人批評交通事務局冇經過大多數民意支持就霸王硬上弓話加就加夾硬嚟，2008年巴士雖然加價，但係當年第一任交通事務局局長汪雲為咗吸引多啲人搭巴士支持綠色出行，第一次推出澳門通拍卡有補貼，變相減咗價，但係由於冇區分澳門居民同遊客，所以交通事務局補貼費用年年上升，惹嚟澳門市民反感，要求區分收費，但今次方案諮詢嗰陣有提到，但冇實行。

32T

2018年4月21號，澳門巴士票價調整，呢條線嘅收費亦跟住調整：全程收費係六蚊葡幣，唔再分區收費，只分X尾係快線，用澳門通畀錢要畀多一蚊葡幣，由於呢條線唔係快線同埋係特別活動先開辦，所以將呢條線由32X改冧巴做32T。

走線

車費

• 全程車費：六幣葡幣。
• 用澳門通全民卡，只係扣三蚊，其餘由政府畀。
• 用澳門通學生卡，只係扣個半，其餘由政府畀。
• 用澳門通長者卡同殘疾卡，免費，全部由政府畀。

服務

服務時間	美食節、放煙花、除夕倒數
澳門旅遊塔	活動期間
班次	十到十五分鐘

停站

去澳門旅遊塔方向
澳門旅遊塔 燒灰爐 巴掌圍 亞馬喇前地 區華利前地 南灣湖景大馬路 澳門旅遊塔

睇埋

• 澳門巴士線一覽
• 澳門巴士轉乘服務
• 澳門巴士車費優惠計劃

拎

• （繁體中文）新福利公共汽車有限公司