澳門9A巴士

澳門9A巴士係一條由澳門新福利公共汽車有限公司做緊，由台山中街來回澳門旅遊塔嘅循環巴士線。

呢條線曾經開過短線車9AX，由關閘來回南灣，但係後來根據澳門政府發出嘅「道路集體客運公共服務批給合同」補充公佈，響2008年10月15號取消咗。呢條線亦係澳門所有日間巴士線入面，尾班車最遲開出嘅巴士線。

背景

1990年到1994年期間，9號會開特別車（9A嘅前身），由關閘經主教座堂來回營地街市。

2005年2月1號，延長路線到澳門旅遊塔站。

2007年10月20號，加停「南灣湖景大馬路」站，方便去南灣湖水上活動中心嘅市民^[1]^[2]。

2016年1月16號，調整服務時間，去旅遊塔方向：服務時間由凌晨五點四十五分到凌晨一點十分，八到十二分一班；去關閘方向：服務時間由凌晨六點到凌晨一點半，八到十二分一班。

2016年3月19號，因為調整白朗古將軍大馬路周圍路段嘅行車安排，唔停「提督馬路／白朗古」站，改行沙梨頭新街、飛喇士街到白朗古將軍大馬路之後再按原線嚟行^[3]。

2016年11月18號，因應路面實際情況同客流，安排部分班次，以跳站形式嚟行，如果關閘周邊馬路塞車嚴重嗰時，由關閘總站開出之後改行其他唔塞馬路，跳到「提督馬路／雅廉訪」站之後續返原線嚟行，維持返之後嘅班次穩定^[4]。

2016年11月21號，為咗配合南灣湖區一帶嘅發展，響「南灣湖景大馬路」站之後，加停「立法會前地」站之後，經湖畔西街去旅遊塔按原線嚟行。同時由來回線改做循環線^[5] 。

2017年8月5號，響「澳門旅遊塔」站之後，加停新整嘅「初級法院刑事大樓」臨時站^[6]。

2017年8月23號，颱風天鴿襲澳，關閘地下巴士總站受到嚴重風暴潮破壞，呢條線尾站搬咗去「台山中街」站。

2017年9月30號，因應「關閘總站」停用，呢條線改以「台山中街」站為臨時總站，加咗「紀念孫中山公園」站做落客站。

2018年4月28號，呢條線總站由「台山中街」搬去「菜園涌邊街總站」，唔再停「紀念孫中山公園」站。即係停完「巴波沙大馬路」站後，加停新整嘅「牧場街總站」後駛返去總站。

2018年6月16號，停番「看台街／騎士馬路」站。

2019年8月17號，「青洲坊總站」正式運作，呢條線有所調整同埋巴士站改名：

2020年2月11號，受武漢肺炎疫情影響，客量減少，呢條線轉用中巴行。^[7]

2020年2月17號，配合政府維持番基本服務，呢條線用番大巴嚟行。^[8]

2022年2月26號起，呢條線加停「青茂口岸」站。^[9]

2007年6月17號，一架9A三菱Rosa中巴行到水坑尾街巴士站嗰陣，懷疑連接油箱嘅油喉爆裂，搞到大量燃油流出，車長迅速疏散車入面嘅乘客同報警。由於路面留底成百米油漬，水坑尾街去荷蘭園方向嘅馬路要封成一個鐘，直至油蹟全部清嗮先重開^[10]。