濁上變去

濁上變去（又叫全濁上變去，「上」字要讀陽上「sœːŋ¹³」）係漢語音韻學同漢語方言學術語，係中古漢語聲調變化現象，指全濁聲母嘅上聲字讀成去聲（而次濁上字保留上聲），係粵語陽上聲字多數係次濁聲母嘅主因。

粵音

以《廣韻》幾組字為例，附次濁字對比：

聲類		音	平	上	去	入
端組	全濁	定東一開	同（徒紅）	動（徒揔）	洞（徒弄）	獨（徒谷）
	次濁	泥東一開	／	𨑊（奴動）	齈（奴凍）	／
影組	全濁	匣江二開	栙（下江）	項（胡講）	巷（胡絳）	學（胡覺）
精組	全濁	邪之三開	詞（似兹）	似（詳里）	寺（祥吏）	／
見組	全濁	羣魚三開	渠（強魚）	巨（其吕）	遽（其據）
	次濁	疑魚三開	魚（語居）	語（魚巨）	御（牛倨）

上表中，全濁上聲有啲字（動項巨）讀陽去，反切下字有啲都讀陽去，都係濁上變去嘅結果。

毋同漢語嘅情況

濁上變去晌官話、贛語、大部分湘語都好規律；吳語、閩語、客家話、粵語就多保留陽上調類，或古全濁上字和次濁上字的白讀音有共同演變行為，但毋一定單獨成調類，如客家話古濁上字白讀音多併入陰平；北部吳語古濁上字白讀音多歸陽去；建陽陽上歸陰去，閩南陽上歸陽去，沙溪陽上歸陽入，閩北大部陽上視聲母類型派陰去、陽去、陽入甚至陰平。有啲學者就以濁上變去嘅同言線為漢語七大方言嘅一項分組依據。