贛語，俗稱江西話，係中國七大方言之一。贛係江西簡稱，贛語就即係江西用嘅語言。不過江西境內除咗贛語，仲有人講客家話、吳語、同江淮官話。而贛語區分佈，除咗江西省，出面湖南東部有啲地方同福建西北有啲地方，都有人講贛語，所以贛語其實唔等如江西話。贛語代表係南昌話，由於贛語同客語有好多共通點，有啲語言學者就建議合併叫「客贛語」，不過就重拗緊。
