開主選單

濠畔寺粵拼hou4 bun6 zi2/6維吾爾文صسبر هو بن‎),全名叫濠畔街清眞寺hou4 bun6 gaai1 cing1 zan1 zi2/6,又叫濠畔清眞寺hou4 bun6 cing1 zan1 zi2/6,係廣東省廣州市入邊嘅一間保存得仲幾好嘅清初建築兼寺院,渠係喺越秀區濠畔街378號(狀元坊北邊,靠近天成路)。呢間嘢係廣州1993年五大伊斯蘭教嘅其一聖地。

濠畔街清眞寺
廣州市文物保護單位
HouBunZi.jpg
喺邊 越秀區濠畔街378號
古建築
時代 大明
登錄 1993年8月9號
地圖

 
佢嘅維吾爾文寫法

大明成化元年(1465年),明太祖鎮壓曬啲反對勢力,派駐咗過千回軍入廣州搞咗新城,開埋咗南城濠,而啲兵士都信伊斯蘭教同大多數回族佬嚟分坊拜回教習俗,就再掟錢起咗好幾間清真寺,包括呢個濠畔寺。

寺院喺大清康熙四十五年(1706年)重建。

喺民國16年(1927年),穆斯林學者喺呢間寺搞過回文大學,大學度出過伊斯蘭教期刊《天方學理月刊》,重版《清真指南》等著名刊物,對海外內伊斯蘭教宣傳有過深遠嘅影響。

共和國成立後,伊斯蘭教嘅主麻聚禮成日喺呢度搞。

1952年後,部分地方試過做回族安老所同埋少數民族生產工廠

1964年開始,寺院變成廣州市回滿族工廠,做咗回、滿族嘅縫紉機零件廠,而水房、南北廊同睇月樓喺1973年後拆咗改起五層樓嘅石屎廠房。

1993年3月,廣州市人民政府辦公廳出面,同廣州市輕工局、廣州市伊斯蘭教協會傾返恢復清真寺事宜,被改建嘅廠房地下先定咗9月畀返清真寺,其他樓層延至1999年尾先至收回。1993年8月政府仲將佢列入咗市屬文保單位。1998年9月,廣州市阿剌伯話學習班喺呢度成立。

建築風格

佔地面積1,491平方米;大殿坐西向東,面闊五間18.8米、進深五間19.6米。但重簷歇山頂,碌灰筒瓦面同正脊灰塑爛咗。殿身嘅13條梁架用四柱前後三步梁同外簷四架卷廊嚟整。除七架梁外,四圍有月梁。尤其係駝峰、替木、梁枋嘅做工好精細,殿入面有卷草花紋金木雕刻花罩嘅裝飾。兩邊山牆各開3個帶有六抹菱形花心隔扇嘅拱券門。成間建築睇落去好似穆斯林地區啲建築噉。

連出去