火麒麟
《火麒麟》係四大元祖地道香港鹹書之一，其餘重有《龍虎豹》、《藏春閣》、《男子漢》，以十日刊嘅形式逢 6 號、16 號、26 號出版。
《火麒麟》初期同香港地道龍頭鹹書《龍虎豹》嘅內容相似，以香港地道女性嘅裸體照片為主要內容，書中附有讀者信箱，成人小說同專欄等，最高曾有22萬冊嘅銷量紀錄[未記出處或冇根據]。
1992年，因一系列以日本鹹片女星做賣點嘅鹹書如《西急》（SCOOP中文版）、《Bejean》、《18伴》、《亞卡西》（AKASI中文版）等湧現，搶咗《火麒麟》等地道香港鹹書唔少市場，令《火麒麟》亦進行改革，並喺書中加入日本脫星唔着衫嘅相以作還擊。
到咗1996年香港鹹書市場又再異軍突起，一系列叫雞指南式嘅香港叫雞雜誌湧現，令《火麒麟》再度進行改革，並隨書附送鹹片光碟以搶救銷量。