無聊 IQ 題係種 IQ題,同猜謎語有啲似,不過好無厘頭,玩食字。喺網上電視節目裏頭[1]、港澳小學生、啲朋友出街、拍拖[2]都有玩無聊IQ題。

  • 乜嘢植物識得溜冰?
    • 答案:,因為花式溜冰。
  • 乜嘢動物成日打乞嗤,流鼻水都唔好嘅呢?
  • 李雲迪最怕咩?
    • 答案:美源發彩(冇得彈)
  • 大明養小明,咁邊個養大明?
    • 答案:狗(久仰大名(狗養大明))
  • 生果可以祝人長命百歲?
    • 答案:蜜瓜(勿
  • 蘋果汁係蘋果味,汁係橙味,咁益力多係咩味?
    • 答案:「你今日飲咗未」
  • 玩具唔可以喺船玩?
    • 答案:爆旋陀螺
  • 1+1 幾時會=3?
    • 答案:錯嗰陣
  • "ABBABAABAABBBBBAABBABBA"(估一句問候語)
    • 答案:long time no see(c)(因為「好耐冇C」)
  • 菠蘿係橙黃色,咩羅係綠色呢?
  • 生果唔打字?
    • 答案:蕉(不打自招 - 不打字蕉)
  • 大口仔搽紅唇膏,估一英文生字
    • 答案:Direction(大 red 唇)
  • 有鯊魚食咗粒綠豆,條鯊魚變咗做咩?
  • 多啦A夢感冒會傳染畀邊個先?
    • 答案:大雄(野比大雄(惹畀大雄))
  • 去中國唱咩?
    • 答案:「唱」人民幣
  • 廣東出東瓜,廣南出南瓜,廣西出西瓜,咁廣北出咩?
    • 答案:聲(講不出聲)
  • 咩嘢要跌落水四次先會俾水沖走?
  • 考第一名個張獎狀叫咩名?
    • 答案:頭名狀
  • 咩粥最鹹濕?
    • 答案:及第粥(𥄫底粥 - 底指裙底)
  • 咩爐最鬼臭?
  • 大雄做錯事,俾阿媽罰跪地三個鐘。呢個時候,叮噹攞咗樣咩法寶出嚟幫大雄呢?
    • 答案:自動櫃員機(自動跪完機)
  • 香港啲肥仔多數姓咩?
    • 答案:(死肥仔)
  • 點解白兔牌吻百蜜隻兔係男仔?
    • 答案:「一啲都唔揦」(、毑)
  • 用身體上邊樣嘢可以修飾雙手?
    • 答案:毛髮(「無法(毛髮)可修飾的一對手」— Beyond《真的愛你》)
  • 牛驚乜嘢植物?
    • 答案:葉(牛{怕}葉)
  • 乜嘢島唔係四面環海,除左安全島之外?
    • 答案:吉之島
  • 皇后似咩?
    • 答案:廣場(皇后像廣場)
  • 有一塊火腿同一條腸仔放左落同一隻鑊度,點解佢地唔傾計?
    • 因為佢地未熟
  • 讀完中五讀乜?
    • 讀下午
  • 點解唔可以係船上講笑話?
    • 因為個海聽到會笑,咁就會引起海嘯
  • 食乜野昆蟲會瘦?
    • 蟻(食蟻瘦)
  • 機械人最鍾意扮咩?
    • 扮焦
  • 去小明屋企撳極門鐘佢都唔開,最後講咗一句乜小明先去開門?
    • 我來自德成
  • 樹邊部份最得閒?
    • 葉(葉得閒)
  • 達文西密碼上面係咩?
    • 達文西帳號
  • 世界上最貴嘅係咩菜?
    • 巴菜
  • 食得檸檬多會傷㗎喎,傷咩呀?
    • 傷心囉
  • 豬肉榮賣豬肉,菠菜蓮賣菠菜;咁衛蘭賣咩?
    • My love my fate
  • 鯊魚食左紅豆會變咩?
    • 紅豆沙
  • 檸檬最怕咩生果呢?
    • 柑(柑橘檸檬)
  • 小明自己做暑期作業,第二日,佢死左,點解?
    • 因為自作業(孽),不可活。
  • 如果有日你同你女友分手…因為佢移情別戀,同個醫生拍拖,你好鐘意你個女朋友… 噉你就日日都送咗一樣嘢畀個醫生!!希望醫生可以離開你個女朋友噉係咩呀??
    • 蘋果(一日一蘋果,醫生遠離我!)
  • 有咩動物係會撕死條鰻魚呢?
    • 蛇(佘詩(撕)曼)
  • 話說清朝時,慈禧太后一直都想長生不老,於是命人研製長生不老的靈丹,但係失敗咗。之後有個外國使者帶埋長生不老的靈丹拜訪,慈禧太后就問佢靈丹用乜整嘅,噉你估佢點答?
    • 佢話「 LONDON BRIDGE is falling down (for 靈丹)!」
  • 1隻雞;1隻鵝;1隻鴨,分3支汽水點解分唔勻?
    • 婀娜多姿(鵝攞多支)
  • 魚旦粉有魚旦,牛腩粉有牛腩,噉乜嘢粉有雪糕呀?
    • seven
  • 小明綠燈過馬路,點解最後比車撞死 ?
    • 明明綠燈轉眼變成紅燈 ……
  • 巴斯光年殺咗條龍,後世人幫佢改左個花名..知唔知係咩?
    • 殺龍巴斯(撒隆巴斯)
  • 流星花園首主題曲叫流星雨,噉陶大花園首主題曲係咩呀?
  • 咩動物識打桌球?
    • 鷹(英式桌球)

參考

  1. "超級無敵獎門人 - 嘉樂、祖藍、祥仔 10年經歷 志偉獎門人出爆笑通勝". 原著喺2009年7月8號歸檔. 喺2012年5月27號搵到.
  2. 明報新聞網海外版 - 加東版 - 靚女包拗頸多多約會無果