無花果

無花果（粵拼：mou4 faa1 gwo2；學名：Ficus carica）；又叫映日果（jing2 jat6 gwo2）、優曇缽（jau1 taaam4 but3）、阿駔（aa3 zou2）、底珍樹（dai2 zan1 syu6）、蜜果（mat6 gwo2）、蟲癭花（cung4 jing1 faa1）；英文嗰邊嗌「fig」；佢係桑科榕屬嘅一種落葉喬木仔或灌木。原產地喺西南亞嘅沙地阿剌伯同也門等地。呢種植物重係植物界入面，根系最深嘅植物。

How to read a taxobox 無花果
物種分類
界 植物界 Plantae 門 被子植物門 Magnoliophyta 綱 雙子葉植物綱 Magnoliopsida （未分級） I類真薔薇分支 eurosids I 目 薔薇目 Rosales 科 桑科 Moraceae 屬 榕屬 Ficus 亞屬 (Subgenus): 無花果亞屬 Ficus 種 無花果 F. carica
二元學名
Ficus carica L.

名

好多人以為無花果係唔開花就結果嘅樹，但實際無花果係有花嘅，不過佢啲花係匿埋咗喺比較肥施大隻嘅花托入面，喺植物研究學入面話嘅係隱頭花序，所以「無花果」嘅名就係噉嚟。

蟲癭花

由於有啲品種嘅無花果入面重有寄生蜂生出嚟嘅卵響度，日後就靠羽化出嚟嘅寄生蜂傳啲花粉過嚟搞出個核，所以「蟲癭花」嘅名就係噉嚟。

形態

樣

呢種植物一般有12m高，樹皮係灰啡色，比較光滑。

花

佢啲花一般生喺肉質嘅花托邊嗰度，而且佢啲花樣係好似啲毛噉，而且比較細，顏色係淡紅色。其中上半部分係花公，下半部分係花乸。有啲品種入面重有寄生蜂生出嚟嘅卵響度。不過人食出嚟嘅無花果就唔係果嚟嘅，而係漲大到變成肉波嘅花托。

核

佢嘅果啲核係好細粒，生食嗰陣食唔出。

根

呢種植物一講到根系，佢係直根嘅品種。而佢嘅根可以去到-120m嘅深度咁深。而呢個紀錄係家吓植物界嘅根系紀錄入面，到而家為止一直都未有植物打破佢嘅紀錄。

品種

無花果喺成個地球入面，有成1000幾個品種。重可以分成4個類：

類	花性	可唔可以結果	結果時長
一般型	單性	可以	2次/年
斯米爾型	凈係得花乸	要靠寄生蜂傳啲花粉先至得	1次/年
野生型	花公好多 花乸好少	可以，但係好少機會。	0——1次/年
中間型	單性	可以 春天唔傳花粉都可以結果 秋天要傳花粉先至會結果	1——2次/年

用途

用無花果整嘅印度甜品

無花果嘅味道比較靚，好似啲香蕉噉，營養比較多，而鮮果入面有成15——28%嘅果糖同葡萄糖響度。而佢嘅果可以用嚟整蜜餞、果乾、果醬同罐頭食品都得，甚至佢嘅果乾用嚟做藥都得。

藥用價值

無花果嘅果乾可以做藥，可以醫哮喘、咳、嘔血同痔瘡呢啲病。

相

啱啱出果同嫩葉嘅無花果仔 啱啱出果同嫩葉嘅無花果仔  無花果嘅葉同未熟嘅果 無花果嘅葉同未熟嘅果  葉 葉  無花果嘅樹 無花果嘅樹

有關嘅書

• 中国少年儿童百科全书 自然·环境 第410－411页　浙江教育出版社 ISBN·7-5338-1946-2/G·1942
• 臺灣蔬果實用百科第三輯 薛聰賢 著，薛聰賢出版社，2003年
• 稀有植物大探秘 第31－32页　　ISBN 978-7-5082-6715-9

出面網頁

• 無花果, Wuhuaguo 藥用植物圖像數據庫 (香港浸會大學中醫藥學院) （繁體中文）（英文）
• （英文）無花果樹的介紹網頁：Figweb
• 无花果 三九养生堂