煲底之約係2019年香港反逃犯條例修訂運動入面一個術語，指一眾抗爭者約定喺抗爭成功之後，去到金鐘立法會綜合大樓地下示威區（因為立法會會議廳建築嘅圓柱形外觀望落似電飯煲，喺正佢下面嘅示威區被俗稱為「煲底」）除低豬嘴同口罩相認同一齊慶祝。
「煲底」
2019年9月，喺香港中文大學李兆基樓睇到嘅「煲底之約」標語塗鴉
- 香港漫畫家阿塗喺《明報周刊》發表漫畫《煲底之約》，畫出咗煲底之約嘅情景，喺反修例嘅文宣材料廣泛流傳[1][2]。
- 香港歌手阮民安發表粵語歌《煲底之約》，由鄺俊宇填詞，歌詞主要描述煲底之約嘅情景。首歌拍咗個MV，由社運人士周庭做女主角[3]。
