營地

營地係一種用地，開畀人戶外過夜，畀得人紥營，即係露營，有時會添啲相關設施。有啲地方，法律上唔准人山野紥營，故此設專門營地。有時營地，畀人成架露營車泊喺度。有啲營地連埋屋房租畀人，可以宿營。甚至起好晒康樂設施，變度假營。

營地

林中營地

營地有屋仔

營地開來要安全，避免一落雨就水浸，選地盡量平坦，避免大風大浪，亦要方便遮陰。至重要確保水源，水要乾淨，無水好多事做唔到，如煮食，如洗衫，如沖涼。另外有地方生火，至好有沙地石地，唔會燒着大自然，有必要火取暖同煮食，亦有啲會搭埋爐。自帶爐具就另計。營地唔少都有廁所，免得有衞生問題。有啲有埋地方沖涼。

唔少地方，營地要車路到，因為啲人會駕車。