牛油奶
牛油奶（英文：Buttermilk），音譯白脫奶，係一種杰身得嚟帶酸味嘅牛奶飲品。
-and-Milk-(left).jpg)
牛油奶最初係指製造發酵牛油剩低嘅液體。依種牛油奶依家會特別指明叫traditional buttermilk。
另一種牛油奶叫cultured buttermilk，係以種咗乳酸菌嘅牛奶發酵而成，酸味非常強烈。可以製作呢種牛油奶嘅乳酸菌有兩種，分別係乳酸球菌同德布律克氏乳酸菌保加利亞亞種；用後者發酵嘅牛油奶會更加酸。無論係氣候溫暖定寒冷嘅地區都有國家生產呢種牛油奶。
仲有一種速成版牛油奶叫acidified buttermilk，製作方法係將檸檬汁或者白醋加落牛奶再靜置起碼十分鐘，等到牛奶有少少凝結為止。
牛油奶可以就咁飲或者用喺烹飪。用佢嚟醃肉可以令調味料更易滲透舊肉，而且啲肉（特別係雞肉同豬肉）會更柔軟多汁。
營養成分
編輯一杯（約237毫升）牛油奶有99卡路里同2.2克脂肪（全脂奶就有157卡路里同8.9克脂肪）。除此之外，牛油奶亦含有各種維他命、鉀、鈣質同少量磷。