王平 (蜀漢)

王平
出生地	魏
死亡日	248年
死亡地	漢
死因	病
國籍	漢、東漢、魏
職業	政治人
	[改維基數據]
	睇; 傾; 改;

王平（粵拼：wong4 ping4；—248年），字子均zi2 gwan1，巴西宕渠人，三國時期蜀漢嘅重要將領。

生平

王平細個喺外家何氏生活，後來改返姓王。奉命跟隨杜濩、樸胡去到洛陽，拜為假校尉。219年，王平隨曹操親征去漢中，後來背叛曹操投降劉備，被拜為牙門將、裨將軍。

228年，諸葛亮發動第一次北伐，以參軍一職跟馬謖為先鋒，操到街亭，馬謖放棄守城而去上山紮營，王平多次勸諫馬謖，但馬謖唔聽。最後被張郃打敗，眾軍各自逃亡，只有王平領著千人，鳴鼓自守，令張郃又懷疑蜀軍有伏兵，所以唔追擊，於是王平集合分散軍隊，向諸葛亮大軍處撤退。諸葛亮依軍法斬咗馬謖、張休同埋李盛，搶走黃襲等人嘅兵，王平就因為有進諫而被任為參軍，統領五部營地嘅事，後來再封為討寇將軍，封亭侯。

231年，諸葛亮發動第四次北伐，包圍咗祁山，跟住派王平另守南圍。之後曹魏派出司馬懿嚟抵抗蜀軍，又派張郃去攻打王平，王平堅守唔出戰，令到張郃無可奈何。234年，諸葛亮喺第五次北伐中病逝，全軍退返漢中，魏延因為同楊儀不和，阻住蜀軍嘅退路，楊儀同魏延交戰，魏延一戰就輸咗，亦都係王平嘅功。之後封為後典軍、安漢將軍，接任漢中嘅太守。237年，再封為安漢侯，代替吳壹守漢中。238年，大將軍蔣琬住喺沔陽，以王平為前護軍，處理蔣琬府嘅事。243年，蔣琬返番涪城，封王平為前監軍、鎮北大將軍，統理漢中。

239年春天，曹魏大將軍曹爽率十幾萬步兵同騎兵攻向漢川，前鋒已經到咗駱谷。當時漢中守兵三萬都冇，眾將大驚，有將領話：「今力不足以拒敵，聽當固守漢、樂二城，遇賊令入，比爾間，涪軍足得救關。（而家我哋嘅實力不足以抗敵，咁不如固守漢、樂兩個城，一見到敵軍就引佢哋入關，咁樣做，涪城嘅軍就可以救到關口之圍）」但係王平就認為：「不然。漢中去涪垂千里。賊若得關，便為禍也。今宜先遣劉護軍、杜參軍據興勢，平為後拒；若賊分向黃金，平率千人下自臨之，比爾間，涪軍行至，此計之上也。（當然唔係啦。漢中同涪城相差成千里。敵人得關之後，就為我軍做成禍害。而家應該先派劉嘅護軍、杜嘅參軍佔據有利之地先，我作為後拒；如果敵人分軍去黃金嘅話，我就率千人親自去駐守，咁樣做，涪城嘅軍人就可以到達，此計係上選。）」護軍劉敏都同王平有相同嘅意向，所以立即實行。涪城同埋由成都出發嘅費禕嘅援軍相繼嚟到，逼到魏軍退還，就好似王平嘅主意。當時，鄧芝喺東，馬忠喺南，王平喺北，為蜀漢守住各嗰路關口，都有威名。

王平喺248年逝世。　

特徵

王平終年喺軍中，唔識得寫字，要靠人用口述嚟寫字。佢鍾意讀書，但識嘅字唔超過十個，就叫人讀史記、漢書，知道其中嘅大意，每次論說都唔會唔明其中嘅意思。

王平遵守法規，唔同人開玩笑同埋笑其他人。佢早晨直到挨晚坐得好正，唔似一位武將。但係佢好小氣，好容易有疑心，睇唔起自己，係佢嘅弱點。

屋企

王訓，王平嘅仔。

評價

三國志評曰：「王平忠勇而嚴整。忠誠，勇敢同嚴守整潔為人遵守法度，唔講戲言（笑話），或嘲笑人哋，由朝頭早到黃昏，都會好好咁端坐，唔似一位武將。但喺佢嘅性格愛猜疑，而且經常自視過輕。

參閱

三國志