王樂義
王樂義（粵拼：wong4 lok3 ji6；簡化字：王乐义；1941年—），山東壽光人，冬暖式蔬菜大棚發明人，依家係山東省壽光市孫家集街道三元朱村黨支部書記。
| 王樂義 | |
|---|---|
 中國共產黨山東壽光孫家集街道[a]三元朱村黨支部書記 | |
現任 | |
| 就任日期 1978年8月 | |
 中國山東壽光孫集公社三元朱大隊大隊長 | |
| 任期 1965年12月－1978年8月 | |
| 中國山東壽光孫集公社三元朱大隊第一生產隊隊長 | |
| 任期 1962年7月－1965年12月 | |
| 個人資料 | |
| 出世 | 1941年（82–83歲） 中國山東壽光 |
| 籍貫 | 山東壽光 |
| 國籍 |  中國（大陸） |
| 政黨 | 中國共產黨 |
| 配偶 | 梁文榮（1961年結婚） |
| 親屬 | 王樂泉（細佬） |
| 職業 | 農民 |
| 知名於 | 發明冬暖式蔬菜大棚 |
經歷 編輯
王樂義喺山東省壽光市孫家集街道三元朱村嘅一個普通家庭出世。1958年響應「上山下鄉」號召，去黑龍江省佳木斯市永安林場做伐木工人。之後被任命做組長，並被送進黨校學習半年。1962年7月回鄉，之後擔任三元朱大隊第一生產隊隊長，並用4年嘅時間將第一生產隊帶到全村尖子嘅位置上。1965年12月加入中國共產黨，並擔任三元朱大隊大隊長。1978年5月，王樂義被確診患直腸癌，並成功咁做咗切除手術。但因肛門改道，腰裡多咗一個糞便袋，終生行動不便。同年秋，三元朱村支部改選，15名黨員一致揀咗王樂義擔任村黨支部書記。[1]
1978年－1980年，王樂義帶領三元朱村全體村民用3年嘅時間，以「東嶺蘋果西嶺桃，南嶺山楂帶葡萄」嘅種植方案，成功提升村內3個低產埠嶺嘅產量，並將全村年人均純收入由原來嘅幾十蚊增長到1200蚊，解決咗村民嘅温飽問題[2]。
1989年頭，王樂義去遼寧瓦房店學習大棚技術。同年10月，王樂義發明冬暖式蔬菜大棚。同年12月24日，三元朱村第一批越冬黃瓜上市，17個大棚平均收入2.7萬蚊。第2年，村內共起咗181個大棚。1990年起，王樂義開始喺全國範圍內推廣大棚蔬菜種植技術，至今已有20多個省市起咗蔬菜大棚，解決咗北方冬季食唔到新鮮蔬菜嘅難題。1991年開始，不斷研發無公害蔬菜種植，引入新品種，種植大棚果樹、花卉，開展無土栽培，種植綠色蔬菜等新技術，令三元朱村嘅蔬菜發展領先全國。1996年，新一代高標準大棚試驗成功。1997年，王樂義睇準國際市場，並喺2001年註冊咗「樂義」牌蔬菜商標，成功將三元朱嘅菜送出國。2002年，王樂義帶頭捐款，起咗總投資120萬蚊嘅「樂義實驗小學」。[1]
1997年開始，王樂義先後當選做中共十五大、十六大、十七大、十八大、十九大代表。2000年4月，王樂義當選做「全國勞動模範」[3]。2015年，王樂義攞到山東省第五屆省長質量獎。
註 編輯
- ↑ 就任時為山東省壽光縣孫集鄉
參考 編輯
引用 編輯
- ↑ 1.0 1.1 齊淮東; 李海燕 (2005年12月). 《「菜王」王樂義》. 山東文藝出版社. ISBN 9787532925155.
- ↑ 〈「蔬菜大王」王樂義〉. 《搜狐財經》. 2011-07-04. 喺2017-08-16搵到.
- ↑ 〈壽光大事記（2000年）〉. 《壽光黨政信息網》. 2012-10-05. 原著喺2017-08-16歸檔. 喺2017-08-16搵到.