王虹茵（英文：Sharlene Wong，1994年8月17號—），係前香港女子藝術體操代表隊成員[1]，2018年開始參與電視節目演出。
王虹茵小學讀觀塘官立小學下午校，小三開始接受香港體育學院嘅藝術體操訓練，小六開始加入香港女子藝術體操代表隊。佢中學讀聖母玫瑰書院，到2012年退出運動員生涯，之後讀香港浸會大學國際學院運動及康樂學副學士課程，再升讀香港浸會大學體育及康樂管理學系。
2018年3月開始，王虹茵參與無綫電視綜藝節目《#後生仔傾吓偈》做其中一位KOL主持，初頭只係偶然出現，到7月中旬先至開始入咗固定陣容。
