珍惜群組
呢篇文側重咗喺部分見解、事件或爭議。 |
珍惜群組係香港激進親共派組織[2]，群組自稱「愛國愛港」，反對香港獨立[3]，同埋聲稱支持維護香港法紀。群組多次通過社交網站號召唔同人士參與支持香港政府施政嘅集會活動[4]，但佢哋嘅活動入面，參加者不時襲擊記者同唔支持佢哋嘅人，甚至提出「千刀萬剮」嘅死亡恐嚇，引起衝突場面。
| 珍惜群組 | |
|---|---|
 珍惜群組遊行活動 | |
| 性質 | 政治組織 |
| 總部 |  香港 |
| 重要人物 | 李璧而（召集人[1]） |
政治立場 編輯
珍惜群組喺2017年香港行政長官選舉入面支持林鄭月娥[5]，又喺香港主權移交20周年紀念日向香港市民派發中國國旗同埋香港區旗[2]，仲支持喺高鐵香港段西九龍站落實當時引起一啲憲法爭議嘅「一地兩檢」[6]。
另外，佢哋亦高度支持香港警察，喺香港逃犯條例爭議期間，亦曾經安排獻花畀警察支持佢哋嘅活動[7]，被問及一啲警員涉嫌犯案嘅事件時，佢哋反而會批評啲人「逐樣逐樣執」，只係強調佢哋做嘢好辛苦[8]。
發起活動同埋有關爭議 編輯
佢哋嘅活動，一般針對港獨言論，香港非建制派人物言行，同埋香港大專院校學生就香港社會問題發聲表達意見嘅行動，又曾批評大學生為黑社會，甚至要求將學生「千刀萬剮」。但佢哋嘅行為同表達方式，特別係暴力對待記者同唔支持佢哋嘅人士，亦經常被批評。
斜對香港非建制派議員及政治人物 編輯
2018年11月11號，有民間組織發起「光復東涌」，珍惜群組特意發起「本是同根生」嘅反對挑釁活動，結果引起東涌居民不滿。嗰陣，珍惜群組成員展示示威橫額，並對光復行動參加者進行挑釁，引發罵戰同埋製造混亂。有受訪居民亦批評珍惜群組支持內地遊客的立場，指內地遊客事實上無帶動東涌經濟，只係到東薈城，東堤灣畔對出空地同埋東堤灣畔樓下嘅花槽食八寶粥、亂拋垃圾，非常影響市容，破壞原本寧靜嘅東涌。另外，「珍惜群組」嘅成員腳踢《經濟日報》嘅記者，大叫佢哋係死民族走狗[10]。
針對香港大專院校學生 編輯
2015年7月31號，佢哋連同另一組織「和平論壇」到香港大學示威，指納稅人有權要求政府唔再資助搞事嘅學生。佢哋亦因為唔滿意校長馬斐森未有譴責衝入校委會會議嘅學生，而要求馬斐森辭職。不過，有關示威劃額出現咗唔少錯字，例如將馬斐森個名寫成「馬婓深」，將禁錮寫成「禁固」[11][12]。
2017年9月29號，珍惜群組喺嶺南大學校門聲援發表「殺無赦」言論嘅激進親中派議員何君堯，又呈交請願信，話見到啲學生行為，要將佢哋千刀萬剮，先可以洩市民心頭恨，殺無赦，先能夠回復社會安寧，又希望學校管理層行出來做勇敢嘅何君堯，撥亂反正[13]。
2018年1月，香港浸會大學兩名學生劉子頎同埋陳樂行抗議普通話豁免試機制欠透明，「佔領」校內語文中心，而遭校方暫時停課。有約300名師生參校內遊行集會同聲援兩名學生，譴責校方無理處分學生，要求撤回停課決定。珍惜群組就有10名成員到校園踩場搗亂，話學生係「黑社會」，一度同集會學生互相指罵，需由保安調停[14]。
喺元朗襲擊事件嘅參與同對民主派嘅誹謗 編輯
2020年1月12號，珍惜群組連同中華傳統文化交流會等組織發起遊行到元朗警署，指控於2019年7月21號元朗襲擊事件中被白衣人襲擊嘅林卓廷[15]係罪魁禍首，又拉起寫上「無林卓廷帶暴徒入元朗就沒7·21」嘅橫額，要求警方拘捕同嚴懲佢[16]，又讚揚當晚發起襲擊嘅白衫人減輕警察工作量[17][18][19]。林卓廷指有關佢係「罪魁禍首」言論「得啖笑」，批評有人有組織抹黑同埋散播謊言。[20][21]佢又話，自己感到極為荒謬，認為有關人士係企圖扭曲「警黑合作」嘅事實。期間有《明報》記者被珍惜群組嘅示威者推撞腳踢同強行扯開記者面罩，明報編輯部其後譴責呢啲野蠻行為，呼籲各方尊重採訪自由[17]。
不過，去到2021年6月，法庭就判咗當時襲擊林卓廷同唔少其他乘客嘅白衣人罪名成立[22]，明顯同珍惜群組嘅宣稱相反。另外，去到2021年7月，召集人李璧而亦被揭發，喺事前曾經喺元朗帶頭同白衣人遊行[23]。
針對記者協會同傳媒 編輯
佢哋對於一啲報導未有偏向親中派嘅傳媒或相關組織，都會採取唔友善嘅態度。佢哋除咗會喺活動現場襲擊記者之外，有時媒體同相關機構嘅總部亦會成為佢哋嘅示威活動地點。
2019年7月16號，珍惜群組到香港記者協會會址請願，指責記協濫權同立場偏頗，又不滿記協多次批評警方阻礙採訪，話記協顛倒是非，係黑記者。召集人李璧而又點名批評《明報》同埋《蘋果日報》，批評記協亂發記者證，又讚揚無綫新聞「走位好」[24]。
另外，香港政府因應武漢肺炎疫情問題，有時會進行突發封區，而被封人士期間嘅膳食安排，有時會被大眾關注。珍惜群組喺2021年1月，曾經去咗香港電台總部，批評港台喺佐敦「受限區域」有關罐頭物資嘅報道抹黑同誤導，批評佢哋無解僱失德記者同做好官媒本分[25]。
對珍惜群組嘅批評 編輯
珍惜群組受到嘅批評，除咗來自被襲擊記者所屬嘅媒體（《明報》同《經濟日報》）同埋元朗襲擊事件入面被珍惜群組批評嘅林卓廷外，時事評論員黃世澤亦指佢哋藐視法庭，形容佢哋係恐怖份子。黃世澤又質疑，佢哋嘅行動得到警方嘅保護，甚至有時被襲擊嘅人士反而會被警方拘捕[26]。
參考 編輯
- ↑ 〈建制KOL華記與珍惜群組割席 促停投訴法官〉. 《信報財經新聞》. 2021-08-16. 喺2022-01-16搵到.
- ↑ 2.0 2.1 〈愛國愛港團體遊行慶回歸〉. 香港商報. 2017-07-02. 原著喺2017-10-14歸檔. 喺2017-10-14搵到.
- ↑ 〈珍惜群組入中大反港獨 沈祖堯首開腔不贊成港獨〉. 香港01. 2017-09-07. 原著喺2020-09-01歸檔. 喺2020-09-01搵到.
- ↑ 〈團體遊行挺「一地兩檢」 各行業促港段速通車〉. 文匯報. 2017-08-21. 原著喺2017-10-14歸檔. 喺2017-10-14搵到.
- ↑ 〈珍惜群組自製「支持林鄭做特首」標語〉. 大公報. 2017-03-26. 原著喺2018-01-26歸檔. 喺2017-10-14搵到.
- ↑ 〈珍惜群組遊行 支持一地兩檢〉. 香港商報. 2017-08-21. 原著喺2017-08-21歸檔. 喺2017-10-14搵到.
- ↑ 〈珍惜群組等30人到警察總部送上鮮花〉. 《商業電台 881903》. 2019-07-29. 喺2021-07-21搵到.
- ↑ 〈親歷7.21元朗市民舉牌表不滿 珍惜群組李璧而：鄧炳強好過盧偉聰〉. 《香港獨立媒體》. 2020-05-12. 喺2021-07-20搵到.
- ↑ 〈珍惜群組﹕無屠城〉. 《明報》. 喺2021-07-21搵到.
- ↑ 〈「光復東涌」行動展開 撐內地旅客團體向記者起飛腳〉. 《經濟日報》. 2019-11-11. 撐內地旅客團體向記者起飛腳 原著喺2021-07-20歸檔. 喺2018-11-11搵到.
- ↑ 〈珍惜群組banner讉責「馬婓深」 - 毛記電視〉. www.tvmost.com.hk. 原著喺2020-01-14歸檔. 喺2020-01-14搵到.
- ↑ 〈團體港大示威 要求「馬婓深」下台 促停止資助「鬧事」學生〉. 《立場新聞》. 原著喺2020-09-01歸檔. 喺2020-01-14搵到.
- ↑ 〈「珍惜群組」嶺大示威：要千刀萬剮學生洩恨，望學校管理層都做「勇敢的何君堯」〉. 《立場新聞》. 原著喺2019-08-19歸檔. 喺2020-01-14搵到.
- ↑ 〈【浸大普通話】300師生遊行反停學令，團體踩場斥學生會黑社會〉. 《香港01》. 2018-01-26. 原著喺2020-09-01歸檔. 喺2018-01-28搵到.
- ↑ 〈林卓廷質疑警方蓄意不履行職責保護市民〉. 《Now 新聞》. 原著喺2020-01-12歸檔. 喺2020-01-12搵到.
- ↑ 〈【元朗遊行】建制團體遊行促警嚴懲拘捕林卓廷 《明報》記者遭推撞腳踢〉. 《明報》. 2020-01-12. 原著喺2020-01-13歸檔. 喺2020-01-12搵到.
- ↑ 17.0 17.1 〈珍惜群組等元朗遊行 「沒有林卓廷，沒有 721 」 稱當晚白衫人減輕警察工作量〉. 《立場新聞》. 原著喺2020-01-13歸檔. 喺2020-01-12搵到.
- ↑ 蕭家怡 (2020-01-13). 〈有認識的人出現在「珍惜群組」，是怎樣一回事？〉. 《The News Lens 關鍵評論網》. 原著喺2021-07-20歸檔. 喺2021-07-20搵到.
- ↑ 〈珍惜群組元朗遊行促警方調查及拘捕林卓廷〉. 《Now 新聞》. 喺2021-07-20搵到.
- ↑ 〈有市民元朗遊行 指林卓廷煽動暴徒引發721事件〉. 《香港電台》. 2020-01-12. 原著喺2020-01-12歸檔. 喺2020-01-12搵到.
- ↑ 〈【元朗遊行】建制團體遊行促警嚴懲拘捕林卓廷 《明報》記者遭推撞腳踢〉. 《明報》. 2020-01-12. 原著喺2020-01-13歸檔. 喺2020-01-12搵到.
- ↑ 〈香港示威浪潮：元朗"721"事件白衣袭击者暴动罪成〉. 《BBC News 中文》. 2021-06-18. 喺2021-07-20搵到.（簡體中文）
- ↑ 〈【7.21兩周年】前港台團隊發新偵查報道 揭「得元朗得天下」謠言來源〉. Radio Free Asia. 喺2021-07-20搵到.
- ↑ 〈珍惜群組不滿記協譴責警察 斥黑記者、黑傳媒〉. 《香港獨立媒體》. 2019-07-16. 原著喺2020-01-12歸檔. 喺2020-01-12搵到.
- ↑ 〈珍惜群組到港台外抗議 批評涉罐頭物資報道誤導 - RTHK〉. news.rthk.hk. 喺2021-07-20搵到.
- ↑ 黃世澤, Martinoei (2018-04-03). 〈必須對 珍惜群組 每一位成員作出起底行動〉. 《MO's notebook 4G 黃世澤 的筆記簿》. 喺2021-07-20搵到.