理據

知識論上所講嘅理據lei5 geoi3（英文：justification ）係 JTB 理論下知識嘅其中一個特性。

呢幅相展示地球由太空望嘅樣。

定義

睇埋：證據

知識論上講嘅理據「要點定義」亦係條有些少爭議性嘅問題。其中一個定義係噉嘅：

「

『阿 A 有理據信 X 呢句主張，if and only if 阿 A 並冇必要唔信 X（即係阿 A 冇咩資訊係明顯噉反對 X 嘅）。』

」

例如阿 A 信「地球係平嘅」（而唔係球體）噉嘅諗法（X）。一般認為，一旦佢睇到支撐「地球係球體」嘅種種證據－例如佢上太空望到地球嘅樣（明顯噉反對地平說嘅資訊）－佢就算係「有必要」要拒絕地平說（X），噉即係話佢冇理據再繼續信地平說（X）。

又有人主張「理據」要噉定義：

「

『阿 A 有理據信 X 呢句主張，if and only if 阿 A 信 X 而且佢手上嘅資訊令「X 係真確」嘅機率有返咁上下高。』

」

又搵個例子說明，想像而家有人唔見咗個銀包，B 先生指控話係 C 先生偷咗個銀包（X）嘅，然後佢哋喺 C 先生間房嗰度搵返唔見咗嘅銀包（證據）；一般認為，知道咗呢項證據令「係 C 先生偷咗個銀包嘅」呢句主張係真確嘅機率大幅噉提升。而如果手上嘅證據加埋令到主張 X 係真確相當高，噉班人就算係有理據信 X 呢句主張。

睇埋

• 公信力
• 謬論