瑯琊榜》(粵拼long4 je4 bong2)係2015年由山東影視傳媒集團負責出品嘅古裝劇集,由胡歌劉濤王凱黃維德陳龍吳磊主演。故仔舞臺係個參照南梁時代嘅虛構世界。

部片喺2014年2月13號至6月10號喺浙江金華東陽市橫店影視城嘅秦王宮景區入面拍。2015年9月19號喺北京衛視東方衛視首播,隨後亦喺愛奇藝樂視優酷等視頻網站同步首播。

粵語版方面,亦喺香港翡翠台廣州影視頻道播過,不過兩個頻道播出嘅版都唔同。翡翠台播嘅係剪輯版,得47集,而且片頭同片尾曲經過重新配樂。而廣州影視頻道播出嘅係原裝54集嘅粵語配音版,而且片頭同片尾曲都係原版。