生態旅遊
生態旅遊，或者叫生態觀光（ecological tourism）呢個詞最早可追溯至1965年，當時有位學者赫茲特建議對文化、教育以及旅遊再省思，並倡導所謂嘅以生態作為旅遊，發展至今生態旅遊已成為國際保育同永續發展嘅基礎概念。1983年，學者赫克特提出「生態旅遊」一詞，成為目前最普遍使用嘅詞。佢將生態旅遊歸納成三大特點：
- 生態旅遊係一種仰賴當地資源嘅旅遊；
- 生態旅遊係一種強調當地資源保育嘅旅遊；
- 生態旅遊係一種維護當地社區概念嘅旅遊。
最後，學者赫克特將生態旅遊定義為「到相對未受干擾或未受污染的自然區域旅行，有特定的研究主題，且體驗或欣賞其中的野生動植物景象，並且關心區內的文化特色」。
生態旅遊學會（The Ecotourism Society）喺1991年為生態旅遊下咗一個廣為各界接受嘅註解：「生態旅遊是一種具有環境責任感的旅遊方式，保育自然環境與延續當地住民福祉為發展生態旅遊的最終目標」。