生殖系統

生殖系統係生物主要負責生殖嘅系統，唔同性別嘅生物嘅生殖系統會明顯唔同。生殖系統嘅器官叫生殖器官。

植物

雄蕊係植物生殖系統嘅一部分，呢朵花係朱頂紅

動物

男人嘅生殖系統

生殖器官，準確啲講，係指喺複雜生物體上任何同有性繁殖同埋組成生殖系統有關嘅組織（嚴格意義上，唔一定都屬於器官）。

雌雄兩性嘅生殖器官係來自同一組來源。喺受孕幾星期之後，雌雄兩性胚胎嘅生殖器官喺解剖學上都一樣（雖然性染色體唔同），基本上類似雌性嘅生殖器官，擁有一對「泌尿生殖皺摺」，中間有一細凸起物，拱起物後有尿道。另外重有一對生殖腺喺體內。

另外有相關嘅性器官一詞，廣義係指會帶來性快感嘅器官。生殖腺係指產生配子嘅器官。喺人類身上係指睾丸同卵巢。

人

女人（左）同男人（右）嘅外生殖器官

喺一般人類胚胎嘅發育過程中，（位於雄性染色體嘅）SRY基因會令生殖腺發育為睾丸，冇SRY基因生殖腺就會發育為卵巢。之後，內生殖器同外生殖器嘅發育係由某啲胚胎生殖腺分泌嘅荷爾蒙決定。如果生殖腺發育為睾丸，而細胞亦對睾脂酮有反應，外側皺摺會腫起，中線會融合以形成陰囊。隆起物會長大變直形成陰莖，皺摺內側會包住陰莖，中線會融合以形成陰莖尿道。出世後睾丸會下降入陰囊。如果生殖腺發育為卵巢，另外一套過程會形成雌性內外生殖器。

以上一般過程中出現特殊變化，就會形成程度不一嘅雌雄同體現象。

之後喺青春期，生殖器官重會有規模較小嘅發育。

人類同大部分哺乳動物嘅生殖器官主要有：

• 男性（雄性）：脧脧、膥子、附睾、膥袋、前列腺、精液、尿道球腺等
• 女性（雌性）：陰蒂、陰道、陰唇、子宮、輸卵管、卵巢、前庭小腺、前庭大腺等