齊桓公 (田齊)

(由田齊桓公跳轉過來)

齊桓公田午前400年前357年),戰國人,喺齊康公五年出世,田和代齊之後嘅第三位齊國國君,嗰陣叫「陳侯午」(上陳下土),《竹書紀年》叫田侯午,《史記》等後世史料叫田齊桓公,完整諡號係「孝武桓公」、「田齊桓公」[1][2],單字謚號係「桓公」,因為同「春秋五霸」之一嘅姜齊桓公小白相同,所以叫「田齊桓公」或者「齊桓公午」。

齊桓公
出生日 400年 BC 喺Wikidata改呢個
死亡日 357年 BC 喺Wikidata改呢個 (0歲)
仔女 King Wei of Qi 喺Wikidata改呢個
阿爸 Duke Tai of Tian Qi 喺Wikidata改呢個
兄弟姊妹 Yan, Marquis of Tian 喺Wikidata改呢個

田齊桓公叫做「田午」,齊太公田和同埋孝大(太)妃個仔,史書話佢「弒其君及孺子喜而為公」,意思就係話佢殺咗大佬田剡而自立。在位嗰陣曾經開過稷下學宮,招攬天下賢士,聚徒講學,喺齊國度教書。曾經試過人才薈萃,彬彬大盛,齊宣王嗰陣規模達到鼎盛。

相傳名醫扁鵲曾經為佢睇症,響起病由輕到重嗰陣,扁鵲連勸咗佢三次,而田午因為諱疾忌醫而唔聽,後來扁鵲再嚟嗰陣,田午已經病入膏肓,無法醫療;扁鵲即刻走路,去到秦國,冇幾耐田午就病發而過身。《韓非子·喻老》有「扁鵲見蔡桓公」嘅故事,因齊桓公午曾遷都上蔡(家下河南上蔡),所以按當時嘅習慣齊國又叫做蔡國(蔡國原本係一個姬氏封國,當時已經滅亡),所以齊桓公又叫蔡桓公。魏惠王遷都大梁(家下河南開封)而又叫梁惠王,韓哀侯滅鄭國後遷都去鄭(家下河南新鄭)而韓國又叫鄭國,呢啲都係同樣嘅例子。

參考

  1. 《陳侯因資鋅銘》話:「隹正六月,癸未,陳侯因資曰,皇考孝武桓公,恭哉,大慕克成。」
  2. 童書業《春秋左傳研究》附錄 周代謚法 第385頁。