申命記

《申命記》（基督新教譯名）或《申命紀》（天主教譯名）係《摩西五經》嘅第5卷書。呢卷書含有對耶和華嘅百姓發出嘅有力信息。喺曠野流浪咗40年之後，以色列嘅子孫正企喺應許之地嘅門口度。喺呢個時候，摩西寫呢卷書來敘述佢哋前景；佢哋喺約旦河嘅對岸會遭遇嘅困難同摩西向百姓提出最後訓示。

簡介

作者：摩西
日期：公元前1400年
地點：摩押平原

申命記係喺希臘文「第二部律法」而來，唔係重複第一部律法，而係重新解釋，同埋復傳西乃山嘅律例，記載摩西喺摩押向以色列人所做一連串嘅指示。嗰時以色列人已經到達一個長遠旅程嘅終點，正準備進佔迦南。

呢卷書最重要嘅記錄係：

1. 摩西追述四十年來經歷嘅重大事件，提醒人民，要記得上帝點樣帶佢哋經過曠野，同埋呼籲佢哋一定要順服上帝，對佢忠心。
2. 摩西重申十誡，強調第一誡係勸人民只敬拜上帝。然後佢複述將來以色列人進入上帝應許之地之後應該遵守嘅律例。
3. 摩西提醒人民，上帝同佢立約嘅意義，勸佢哋重新立志，履行約嘅義務。
4. 約書亞被立繼承摩西做以色列人民嘅領袖。摩西朗誦一首歌，頌讚上帝嘅信實，佢為以色列人各支派祝福之後，喺約旦河東岸嘅山上離世。

呢卷書主題係描寫上帝點樣拯救同賜畀佢所愛嘅選民，因此佢嘅選民一定要緊記喺心、愛佢、順服佢，能夠保留生命，一路蒙福。第6章5節：「你哋要盡心、盡性、盡力愛耶和華—你哋嘅上帝」係呢卷書嘅重要經句，耶穌認為呢條係一切誡命中最重要嘅一條。

提要

1. 摩西第一次嘅指示（1章1節-4章49節）
2. 摩西第二次嘅指示（5章1節-26章19節）
   1. 十誡（5章1節-26章19節）
   2. 其他律例、教訓同勸勉（11章1節-26章19節）
3. 入去迦南前嘅指示（27章1節-28章68節）
4. 重新立約（29章1節-30章20節）
5. 摩西臨死前嘅教訓（31章1節-33章29節）
6. 摩西嘅死（34章1-12節）