畢架山一號

畢架山一號（英文：One Beacon Hill）係香港筆架山一個私人屋苑，2004年落成，門牌地址係筆架山道1號，實際沿住成條碧景林路起，發展商係長江實業。屋苑有16座，604個單位，單位建築面積由1,277至2,900平方呎。屋苑原址係九龍仔軍人宿舍，長江實業喺1999年6月以32.4億港元投到墶地。

爭議

• 2004年7月：承建商得唔到地政總署同意就斬咗屋苑範圍入面超過250棵樹，結果當局拒絕發出滿意紙，業主冇得如期收樓。其後地政總署向發展商索償3,200萬港元同銀行擔保嘅200萬港元，當局先至發出滿意紙。
• 2005年9月：冇得如期收樓嘅業主入稟法院索償。有業主認為發展商以「1緡車位」做賠償嘅和解協議係誤導，香港高等法院喺2009年底裁定有關和解協議屬冇效。另有7名業主得到香港消費者委員會訴訟基金幫手，追討延期收樓嘅損失。
• 2010年9月：業主立案法團不滿物業管理質素，指衛生環境惡劣，通過罷免發展商旗下嘅物業管理公司。
• 2011年4月：4名業主入稟法院，指屋苑入伙7年唻外牆滲水問題重未解決，要求發展商賠償。
• 2012年7月：新任食物及衞生局局長高永文被揭發喺畢架山一號頂樓嘅屋企僭建天台玻璃屋同埋涉嫌違規打通兩個單位。