白燕
白燕（1920年—1987年5月6號），原名陳玉屏，廣東惠州人，係香港1950年代到1960年代嘅粵語片女演員，人稱扁姐，有「華南影后」嘅美譽。白燕擅長做慘情嘅女人，同埋賢妻良母，形象鮮明，端莊嫻淑，故事寫實。幕前對手有著名嘅小生有吳楚帆、張瑛、張活游等。期間總共主演過影片有300幾套。1987年5月6號，白燕因為骨癌喺香港死咗，享年67歲。
家庭
編輯白燕喺1938年結婚，第一個老公係梁偉民，佢哋喺拍《戰士情花》嗰時識嘅（梁偉民係片中嘅男主角，呢套片都係佢投資拍嘅），但係佢哋兩年之後就散咗。
白燕有兩個女，一個係同第二個老公盧天佑（藝人盧海天嘅大佬，盧冠庭嘅大伯）所生嘅，叫做盧國珮。另一個就係契女，叫做許嘉衍。分別住喺香港同加拿大。