白鶴林

白鶴林，香港山仔之一，樹林之一，喺鹽灶下東側嘅山仔，臨近沙頭角海，英文叫Pak Hok Lam。山高近三十米，為風水林，滿佈樹木。出入有鹿頸路，東南沿壆到膊頭下，沙頭角公路亦另有村路入。

山林近水，有涌水入海。所謂白鶴，即小白鷺、大白鷺之類嘅雀，形似白鶴，實情唔同類。沙田白鶴汀街個名都類似咁來。

鹽灶下、白鶴林曾經列入保護區，鷺以水邊林棲息繁殖，不過附近工業林立，以致雀數少咗。

地理而言，白鶴林原本為洲仔，圍壆開墾，因而連入大陸。今下仍有唔少塘喺附近。

攷

• 〈白鶴林〉。