百和路
百和路 ，香港一路，喺粉嶺上水之間，當地主要嘅路，英文寫做Pak Wo Road。比起依帶其他主路，百和路較為新，跟住粉嶺上水新市鎮而起。條路起成彎彎曲曲，成條蛇咁。百和路南駁馬會道，北接彩園路。由於新市鎮主軸線，畀九廣鐵路同粉嶺公路佔據，所以新市鎮分割成東北同西南兩邊，百和路為貫通西南唯一嘅路，故此眾多巴士路綫行依條路。
百和路取名自百福同和合石，舊時有百福村，部份路段，亦佔用咗原本百福村道。未起路之前，百和路所經之地，原本為村落田野。
百和路主要名勝有蓬瀛仙館同觀宗寺，亦穿梳好幾條公共屋邨同私人屋苑，以及康樂場地、公園、學校、醫院同火車站等。南便喺和合石，不過唔經和合石墳場，然而有路通去。