百萬人塞爆機場行動

百萬人塞爆機場行動,係2019年8月12號由香港民間人士發起嘅一次示威活動,主要係回應8月11號晚有位女義務救護員畀警方嘅布袋彈打傷右眼(爆眼少女案),亦夾雜反對逃犯條例修訂草案運動嘅訴求。

百萬人塞爆機場行動

行動延續前一日嘅萬人接機行動,喺香港國際機場接機大堂和平示威,但由於人太多,就連離港大堂都迫滿晒人,逼使機場安排取消大量航班[1]。全日估計有幾萬人參加。

8月13號,有唔少人自發繼續到機場參加示威活動,但開始有示威者由「和你飛」變成「阻你飛」,主動阻旅客離境,擾亂機場運作,結果機場又要取消大量航班,同晚更有兩個中國人被示威者包圍。香港機場管理局嗰晚成功向法庭申請臨時禁制令,禁止任何人喺機場範圍干擾機場運作,第二日開始執行。

參考

  1. "【機場集會】機管局:今日餘下航班取消 公眾人士應避免前往機場". 香港01. 2019-08-12. 喺2020-09-15搵到.