盎格魯-撒遜人

盎格魯-撒遜人（粵拼：on1 gaak3 lou5 saat3 seon3 jan4；英文：Anglo-Saxon）係由五世紀開始住喺英格蘭嘅一個族群。呢個族群源自由歐洲大陸（尤其係北歐）移居去英格蘭嗰度嘅日耳曼人（Germanic）部落以及佢哋嘅子孫，再加埋融入咗盎格魯-撒遜文化同語言嘅塞爾特人（Celts）。盎格魯-撒遜人可以話係現代英文圈嘅祖先：現代英文當中嘅字有差唔多成一半－包括咗好多日常生活常用嘅字－都係源自盎格魯-撒遜語言嘅，而現代英格蘭人同埋美加澳紐等英文圈國家嘅主體族群喺血統上都主要係盎格魯-撒遜人嘅子孫^[1]^[2]。

盎格魯-撒遜人嘅時代可以話係現代英格蘭雛形漸現嘅時代：英倫王國（Kingdom of England）就係由盎格魯-撒遜人喺 10 世紀建立嘅；喺五世紀至英倫王國初期，一路都有日耳曼人由歐洲大陸遷徙去英格蘭，而同時基督教完全噉喺英格蘭扎根，令盎格魯-撒遜人嘅法律同社會體制成形；古英文（現代英文嘅祖先）亦都係喺呢個時代成形嘅，而呢個時代嘅英格蘭仲出咗文學等嘅文化產物，開創咗英格蘭嘅獨有英文文化^[3]^[4]。

睇埋

參考文獻

Hamerow, Helena; Hinton, David A.; Crawford, Sally, eds. (2011), The Oxford Handbook of Anglo-Saxon Archaeology. Oxford: OUP, ISBN 978-0-19-921214-9
Higham, Nicholas J.; Ryan, Martin J. (2013), The Anglo-Saxon World, Yale University Press, ISBN 978-0-300-12534-4

攷

↑ Hamerow, Helena; Hinton, David A.; Crawford, Sally, eds. (2011), The Oxford Handbook of Anglo-Saxon Archaeology, Oxford: OUP.
↑ Higham, Nicholas J.; Ryan, Martin J. (2013), The Anglo-Saxon World, Yale University Press
↑ Higham, Nicholas J., and Martin J. Ryan. The Anglo-Saxon World. Yale University Press, 2013. p. 7.
↑ Richard M. Hogg, ed. The Cambridge History of the English Language: Vol 1: the Beginnings to 1066 (1992).

拎

維基同享中有關盎格魯-撒遜人嘅資源類

[1] Hamerow, Helena; Hinton, David A.; Crawford, Sally, eds. (2011), The Oxford Handbook of Anglo-Saxon Archaeology, Oxford: OUP.

[2] Higham, Nicholas J.; Ryan, Martin J. (2013), The Anglo-Saxon World, Yale University Press

[3] Higham, Nicholas J., and Martin J. Ryan. The Anglo-Saxon World. Yale University Press, 2013. p. 7.

[4] Richard M. Hogg, ed. The Cambridge History of the English Language: Vol 1: the Beginnings to 1066 (1992).

[1]

[2]

[3]

[4]