目錄
目錄列出各種書或者報告嘅每個章節嘅名同對應嘅頁數或者其他位置；作用係畀讀者對本書或者份報告嘢嘅內容有一個概覽[1]，喺中文同英文書都屬於正文前部，即係正式內容之前嘅部份，喺學術期刊甚至可以前到喺封面。
呢篇文講書或者報告嘅目錄。想搵第二個意思嘅話，請睇目錄 (搞清楚)。如果本書係第啲文，目錄就未必係喺前面，例如法文書分兩種目錄，淨列大標題題嘅目錄（sommaire，直譯概覽）同中文書一樣屬於正文前部，但係列埋細標題嘅目錄（table des matières，直譯內容一覽表）就傳統上屬於結文，即係正式內容之後嘅部份；一本法文書可以有齊兩種目錄，或者淨得其中一種，或者冇目錄都得。
電子書就主要用一種唔用頁數，淨用超連結嘅機讀目錄，不過亦都可以有排版排出來嘅目錄，但係有啲電子書（例如多數嘅 EPUB）冇固定頁數，喺爾種電子書入面，就算係排版排出來嘅目錄都唔會有頁數，而係淨得超連結。
睇埋
編輯攷
編輯- ↑ Hochuli, Jost; Kinross, Robin (2003) [1996]. Designing books. London: Hyphen Press. p. 94. ISBN 0-907259-23-5.
 |