省躬草堂
省躬草堂係香港新界大埔區歷史最悠久嘅道堂，喺大埔舊墟汀角路。省躬草堂喺1936年起，供奉廣成子同喺區裏面贈醫施藥。1990年，省躬草堂照舊貌重建過。
史
編輯草堂喺清末甲午年間（1894年）創辦，當年因為廣州鼠疫横行，染病嘅人非常多，道教神仙廣成子大發慈悲，降臨救世，指示救災方法同醫病嘅仙方。當時在任番禺縣令嘅杜友白為咗感謝廣成子降臨解救疫情嘅恩澤，就喺縣署旁邊（而家嘅廣州德政北路）撥地起堂供奉，批准信徒用扶乩嘅方式求符求藥，幫人醫病。1926年11月，廣成子再降臨賜示將有翻天嘅事變，應迅速去揾水陸相連嘅桃源之地去起「省躬草堂廣成宮」。眾弟子於是買咗香港大埔舊墟汀角路嘅一塊地，起咗廣成宮。