眭固(—199年),字白兔東漢末年嘅人。原本喺黑山賊,後尾攻打東郡,但喺畀曹操做低[1],之後成為張楊部下。張揚部下楊醜殺咗張楊之後,諗住帶張楊嘅士兵去投靠曹操,但楊醜又畀張楊嘅手下眭固殺咗。眭固帶住張楊嘅士兵喺射犬屯軍,諗住投靠河北嘅袁紹[2]。嗰時有巫師同眭固講:「將軍您字白兔,而呢座城個名叫犬,兔仔見到犬一定會畀佢嘅威勢嚇到,所以宜家最好快啲離開呢度。」眭固唔聽[3]。冇耐,曹操派史渙攻打眭固,眭固喺犬城嗰度畀史渙做低,曹操圍攻射犬城,城入面嘅人都投降咗[4]。曹操就咁將河內攞到手,袁紹覺得自己嘅地位畀曹操威脅到,於是同曹操開戰。

參考 編輯

引用 編輯

  1. 《三國志·魏書一·武帝紀》黑山賊于毒、白繞、眭固等十餘萬衆略魏郡、東郡,王肱不能禦,太祖引兵入東郡,擊白繞於濮陽,破之。
  2. 《三國志·魏書八·二公孫陶四張傳》:其將楊醜,殺楊以應太祖。楊將眭固殺醜,將其眾,欲北合袁紹。
  3. 《典略》:固字白兔,既殺楊醜,軍屯射犬。時有巫誡固曰:「將軍字兔而此邑名犬,兔見犬,其勢必驚,宜急移去。」固不從
  4. 《三國志·魏書八·二公孫陶四張傳》:太祖遣史渙邀擊,破之於犬城,斬固,盡收其眾也。