石塘嘴

  「石塘咀」跳轉到呢度。想搵香港區議會選區，請睇「石塘咀 (選區)」。

石塘嘴簡寫石塘咀，係香港香港島北岸西環一個地方，行政上歸中西區。北面就係維多利亞港。

位於石塘咀嘅皇后大道西同山道交界

石塘嘴個石塘係打石塘，而嘴就知道呢度係未填海之前，海皮係有個尖海嘴。呢度曾經有過「塘西風月」之名，係妓女娛樂集中地。不過今時今日大部份係住宅區。

名

石塘係石礦嘅意思。客家人以其中一行最名就係打石。而英國得到香港島之後，要大興土木，要好多石材起嘢。所以就有好多客家去香港島、九龍或者新九龍唔同地方打石搵食，其中一個地點就係石塘嘴。