塘西風月

塘西風月，香港舊時石塘嘴一帶妓院，曾經興旺一時，有錢人都去風月，夜夜笙歌一番。戰前禁娼，塘西風月亦煙滅於世。塘西逸聞，散見於當時新聞紙。

香港開埠之後，唐人嘅煙花之地都喺水坑口，近上環一帶。一八七八年，已經成大生意，炒貴地皮。由於近鬧市，混雜民居，妓女所在，就成滋擾。一九〇三年，香港政府強制要妓院搬到石塘嘴，先至續牌。當時石塘嘴，路途遙遠，尚未大興土木，原本係採石之地，甚係荒涼。政府劃妓寨地，東限屈地街，西極卑路乍街。塘西風月亦可謂城邊開荒，化成娛樂勝地，促使交通興旺，人有人力車穿梭，後有電車往來。

中華民國，一從辛亥革命之後，省城就開始禁娼。之不過時局不穏，時而禁娼，時而開娼，亦促使靠風月生活嘅人，轉投塘西，

妓寨有分大寨小寨，是為上流下流之別。上流，官商名流所玩，名妓知書識墨，通音律，亦唔係接客，附庸風雅，上流文士交流之處。春宵一刻值千金，一擲千金亦未必可以得手。下流係平民所玩，有錢就有得下流，做嫖客也。

妓院多亦帶旺其他生意，有十幾間大酒家，重有太平戲院，專做大戲。太平戲院路遠，利希慎之母，年時已高，為便母睇戲，就喺利園山建利舞臺，風頭勁過太平戲院，此為後話。風月亦庇護藝術，如南音，就係有錢人所愛，瞽師杜喚亦喺妓寨酒家唱南音謀生。

順帶一提，㝷花問柳自多生花柳病，水坑口同石塘嘴之間，有西營盤，西營盤有性病醫院。一八七九年，醫院重建，國家醫院亦搬到此處。

一九三二年六月，政府禁娼。一九三五年六月三十日，此為終日，寛限期一過，塘西風月終落幕，成絕響。自始香港無煙花地，娼妓淪為地下業，無風月依枝歌仔唱。

戲

• 《胭脂扣》，講塘西風月，妓女如花只愛十二少。