石排灣天后廟，又叫做香港仔天后廟，係香港嘅一間天后廟，係喺香港島南區嘅香港仔，香港仔大道同香港仔水塘道交界，而家已被評為香港三級歷史建築。
石排灣天后廟喺清咸豐元年（1851年）起嘅，嗰時香港島已經係英國嘅殖民地。而起廟嘅地方當時係喺海邊，對出嘅海灣就係石排灣，之後香港仔進行填海，使到間廟移入咗陸地。而間廟曾喺同治十二年（1873年）同光緒二十四年（1898年）重修過。華人廟宇委員會喺1999年將天后廟拆卸，以原廟未損壞嘅廟脊同石柱重新起過。
