破曉行動

破曉行動，係2019年11月12號由香港民間人士發起嘅一次反逃犯條例修訂抗議活動，延續返前一日雙十一三罷嘅「黎明行動」，繼續針對交通搞唔合作運動（主要影響港鐵同一啲主要公路）。嗰日香港多個地方都出現警民衝突，包括幾個大學校園，當中以香港中文大學嘅衝突最激烈。

破曉行動入面嘅中環示威

幾個大學校園附近嘅路都畀大學生塞住，比較重要嘅包括香港中文大學外嘅吐露港公路、香港理工大學外嘅海底隧道同埋香港大學外嘅薄扶林道。