碧堤半島 （Bellagio），係一個由會德豐地產同埋九龍倉集團起嘅商住樓，2006年3月現樓。喺香港新界青山公路深井段33號，深井灣邊嘅填海區，原址係香港生力啤酒廠。
碧堤半島分為三期總共有8座，樓高60層以上，總共有3345伙住宅單位，有停車場、室外泳池、私人會所、3萬平方呎商場「碧堤坊」、社區設施同埋學校網。南面望住青馬大橋海景，東面係嘉頓麵包廠，西面係深井，北面係屯門公路。物業管理人係夏利文住宅管理有限公司。
