碧雲道

碧雲道（Pik Wan Road）係香港九龍觀塘區嘅一條路，靠住五桂山（以前叫黑鬼山）同埋照鏡環山，全長1.8公里，係藍田住宅區其中一條主幹道。而家高俊苑西面約200米嘅路段，早喺1960年代跟住高超道邨落成開始用，當時盡頭係一處山坡，重未連接到藍田，到咗1980年代計劃將藍田住宅區擴展到五桂山以西一帶，喺條件適合下，碧雲道順理成章大幅度延長到藍田東北部，成為觀塘區山上嘅其中一條主幹道。

由於需要遷就沿線嘅屋邨，道路設計上唔可以太迂迴，喺途經兩處較深嘅山谷（即澳景路同藍田公園附近）就用天橋，喺澳景路橋下發展做休憩公園，藍田公園附近就保持原貌。重有碧雲道依靠嘅兩座山後面，係當時調景嶺寮屋區同工廠，為咗令進一步改善當地交通，開闢咗一條新路連接到碧雲道嘅藍田（廣田邨）巴士總站，隨住將軍澳新市鎮發展，呢條路只能接駁到私人屋苑維景灣畔，需要起私家路設施，同碧雲道嘅交界處就向南移前咗200米左右。

座落喺碧雲道嘅德田邨喺1980年代末開始入伙，自此人口不斷增加，對公共交通需求亦越嚟越多。時至今日，駛經碧雲道嘅公共交通工具能夠直達香港島、九龍心臟地帶、香港國際機場同埋主要鐵路車站，深宵時份亦有提供服務。

事件

碧雲道公園嚮2008年8月6號深夜，發生活塞男案。

交匯道路

沿路建築物

公共交通

專利巴士：14B、16、88X、214、215X、216M、603、613、889、A26、E22P、N26、N216
專線小巴：24、24M、62S、63、63M、76A
的士：過海的士站設喺廣田商場外

參考

香港街道地方指南1989（通用圖書有限公司出版）

睇埋

呢篇碧雲道係關於香港道路嘅楔位文章，重未完成嘅。麻煩你幫手補充佢嘅內容。