《突破》係由香港青少年團體突破機構所發行嘅一本雜誌，喺1974年1月創刊，每月出版一期，1999年8月停刊。當時一班基督徒大專畢業生期望藉住一份刊物直接進入香港社會同文化層面，影響嗰一代嘅青少年。《突破》初時係雙月刊，之後轉為月刊，曾經喺1980年俾香港青年協會推舉為香港最佳嘅青年人雜誌。而《突破》雜誌嘅創刊，亦開啟咗日後整個突破運動：包括出版、影音、電台、輔導、社關、青少年活動嘅發展[1]。
