立場新聞高層大搜捕

立場新聞高層大搜捕係指2021年12月29號,香港傳媒《立場新聞》高層同新聞從業員接連被香港警務處國家安全處以「串謀發布煽動刊物」嘅罪名大規模搜捕而引起嘅事件。[1][2]呢次大搜捕係自2021年6月17號壹傳媒高層大搜捕以嚟,香港警方再對香港傳媒發動大規模搜捕,引起香港本地輿論同國際社會廣泛爭議。[3][4]受搜捕事件影響,《立場新聞》停止運作,網站同所有社交媒體停止更新,又遣散所有員工。[5]

被搜捕者名單 編輯

其中何韻詩、吳靄儀、方敏生三人喺2021年12月30號獲得保釋。[6]

背景 編輯

2021年6月17號,香港警務處國家安全處以涉嫌違反《港區國安法》「串謀勾結外國勢力」罪為由拘捕香港壹傳媒董事同高層之後,立場新聞喺6月27號宣佈將同年5月前發佈嘅文章下架,暫停接受贊助。同時,何韻詩等六人辭去董事職務,但新聞編採仍然持續運作。[7]

2021年12月3號,保安局局長鄧炳強喺撲滅罪行委員會會議嘅記者會上,批評《立場新聞》介紹大潭峽懲教所智慧監獄嘅報道「妖魔化」智慧監獄,又話同年11月11號刊出嘅香港中文大學衝突報道「同事實不符」,「美化暴力行為」。鄧炳強話,任何人或組織,無論係媒體定係非政府組織包裝,只要係違法、想危害國家安全,警方都會揾到證據。[8]《立場新聞》編輯部其後回應鄧炳強嘅言論,表示會堅持報道真相,認為「唯有充分嘅言論同新聞自由,俾多元嘅觀點互相交流交鋒,先有助社會進步,長治久安」。[9]

過程 編輯

2021年12月29號約清晨六點,國家安全處拘捕《立場新聞》六名高層同前高層,包括前總編輯鍾沛權、前董事吳靄儀何韻詩周達智方敏生同時任署理總編輯林紹桐,指六人涉嫌違反刑事罪行條例第9同第10條「串謀發布煽動刊物罪」。另外,副採訪主任陳朗昇就被帶走協助調查。林紹桐之後辭任總編輯職務。[10]《立場新聞》同日下晝宣佈即時停止運作,網站同所有社交媒體立即停止更新,並會喺日內刪除,《立場新聞》所有員工被遣散,而6,100萬港幣資產亦被警方凍結,係「香港國安法」實施以嚟所凍結嘅最大金額。[11]

另外,香港記者協會主席陳朗昇喺《立場新聞》嘅Facebook專頁進行直播,嗰陣有警員手持由裁判官羅德泉發出嘅法庭手令,要求進入寓所搜查。警方話陳朗昇涉嫌串謀發布煽動刊物,之後禁止陳朗昇進行直播,又警告錄影將會構成阻差辦公。陳朗昇喺新界沙田嘅屋企被警方搜查咗大約1個鐘,但佢無被捕,只係電腦設備同記者證被查封。[12]

同時,警方人員亦去到觀塘開源道55號開聯工業中心,封鎖《立場新聞》辦公室搜查,唔俾記者進入同停留。[13]警方搜證四個幾鐘頭,共帶走33箱證物。

另外,早前被控違反港版國安法,正喺大欖女懲教所還柙嘅前《蘋果日報》副社長陳沛敏亦被捕,涉及喺《立場新聞》發表煽動刊物。陳沛敏係《立場新聞》前總編輯鍾沛權嘅老婆,早喺2021年6月被香港國安處拘捕,涉嫌違反《國安法》第29條「串謀勾結外國或境外勢力危害國家安全罪」,之後被加控一項串謀刊印、發布、出售、分發或複製煽動刊物罪,意圖引起憎恨或藐視中央或特區政府等,案件押後至2022年2月24號再訊,陳沛敏還押喺大欖女懲教所。[14]

警方國安處高級警司李桂華話,警方喺搜捕行動入面檢獲大量電腦、電子器材、電話、文件同50萬蚊現金。亦根據《香港國安法》第3條實施,凍結《立場新聞》大約6,100萬蚊資產。佢又話,警方正調查《立場新聞》喺英國設立分社嘅目的,又質疑《立場新聞》同外國勢力勾結,違反咗香港國安法規定嘅犯罪行為。[15]

當日晚上十一點,立場新聞移除各網站、社交媒體嘅所有內容。[16]網站貼出停止運作公告;公告入面,立場新聞重申其獨立自主同埋堅守香港核心價值嘅編采方針,又感謝讀者嘅支持。

同日,香港警方宣佈通緝包括立場新聞董事蔡東豪、前董事練乙錚在內嘅多名相關涉案人士。[17]

影響 編輯

《立場新聞》被搜捕事件引起咗香港社會廣泛關注同寒蟬效應。12月30號,《立場新聞》英國分社宣佈,即日起停止一切業務,英國分社主任楊天帥辭職,網站嘅報導同社交媒體帖文亦全部移除[18]。香港獨媒新聞亦宣佈喺2022年1月1號零時停止運作專頁,並喺日內刪除,香港獨媒新聞所有有關人員同時解散[19]

臺灣,香港組織同人權團體喺12月30號發起「聲援香港新聞自由,抗議極權清算《立場》」集會,手舉「香港自由」嘅海報遊行到中國銀行臺北分行集結,聲援被逮捕嘅《立場新聞》高層,同時抗議香港政府侵犯新聞言論自由[20]

參考 編輯

  1. 國安處拘場新聞6人包括鍾沛權、何韻詩、吳靄儀 涉嫌違反串謀發布煽動刊物罪. . 2021-12-29. 喺2021-12-29搵到.{{cite news}}: CS1 maint: url-status (link)
  2. 安處搜公室 帶走逾30箱新聞材料. . 2021-12-29. 原先內容歸檔喺2021-12-29. 喺2021-12-29搵到.
  3. 場新聞香港200名國安員警搜查網媒辦公室,六人涉謀發佈煽動刊物. . 2021-12-29. 原先內容歸檔喺2021-12-29. 喺2021-12-29搵到.
  4. . . 2021-12-29. 原先內容歸檔喺2021-12-29. 喺2021-12-29搵到.
  5. 7人涉串謀發布煽動刊物被捕 6100萬資產遭凍結即時停運. . 2021-12-29. 原先內容歸檔喺2021-12-29. 喺2021-12-29搵到.
  6.  .
  7. 港立場新聞公告:舊評論下架暫不需贊助 繼續運作. . 2021-06-27. 原先內容歸檔喺2021-12-29. 喺2021-12-29搵到.
  8. 安局長鄧炳強斥場新聞慧監獄等報道偏頗 輯部:我們堅持報道真相. . 2021-12-03. 原先內容歸檔喺2021-12-29. 喺2021-12-29搵到.
  9. 炳強斥報道妖魔化執法部門 立場新聞:堅持報道真相. . 2021-12-03. 原先內容歸檔喺2021-12-03. 喺2021-12-29搵到.
  10. 安處拘捕場新聞6人,繼再有傳媒被搜. . 2021-12-29. 原先內容歸檔喺2021-12-29. 喺2021-12-29搵到.
  11. 7人涉串謀發布煽動刊物被捕 6100萬資產遭凍結即時停運. 原先內容歸檔喺2021-12-29. 喺2021-12-29搵到.
  12. . 原先內容歸檔喺2021-12-29. 喺2021-12-29搵到.
  13. 國安處拘場新聞6人包括何韻詩、吳藹儀 涉嫌違反串謀發布煽動刊物罪撰文.{{cite news}}: CS1 maint: url-status (link)
  14. 息指前社長陳沛敏被捕 涉於表煽動刊物.
  15. 淩逸德 (2021-12-29). 立場新聞|國安處:文章涉煽動憎恨或藐視政府 凍結6千萬資產. 港01 (香港中文). 原先內容歸檔喺2021-12-29. 喺2021-12-29搵到.
  16. 《立場新聞上11時移除網站、社交媒體所有內容 (香港中文). Now新聞. 2021-12-29.
  17.  .
  18. https://gbcode.rthk.hk/TuniS/news.rthk.hk/rthk/ch/component/k2/1626560-20211230.htm?share=twitter
  19. 聞/財經.
  20. 聯合新聞網 (2021-12-31). 場新聞閉 香港團體從台灣跨海聲援 | 聯合新聞網:最懂你的新聞網站. (中文). 喺2021-12-31搵到.