章建國

章建國（英文：Francis Cheung，1931年—2016年），加拿大已故華裔商人。2016年6月18號，佢喺多倫多病逝，享年85歲。

創立加拿大中文電視

佢喺1982年移民加拿大之後，發現當地好多長者喺屋企百無聊賴，於是就決意創立中文電視。為達到目標，佢成立華人顧問團（當時伍卓生亦係成員之一），又聯絡唔同嘅人，最終得到律師公會會長同埋一啲聯邦國會議員支持，最終喺在1984年獲得加拿大政府發牌嘅「專線中文電視」全國獨家播放權，創立加拿大中文電視，成為北美首個全國有線中文電視台。

不過，佢當年英文其實唔係咁好，爭取牌照嘅奔走過程好多時候都要自己個女章小蕙從旁協助。開台嘅時候資源亦好少，直到中國同英國就主權移交問題嘅談判，引發香港人移民潮，加拿大中文電視就幫助一啲著名藝人移民過去，之後發展先開始順利。

家庭

佢有三個仔三個女，其中比較出名嘅包括長女章小蕙同埋章宇昂。