竹角

竹角，香港一村，亦係一地，喺新界東南，英文寫Chuk Kok。竹角歸西貢區，地處山腰，牛尾海西北對上山，鷓鴣山東北對落，大埔仔以北，南圍以南。竹角村地喺 西貢公路東面，有啲隠閉，有條竹角路入，路口有新界西貢坑口區鄭植之中學，則格外顯眼。竹角村地，大都轉為翠蕙園、康曦花園、清濤居。而中學竹角路口，有碧水新村。

入竹角見到鄭植之中學先

竹角啲田，都喺山下，沿山坑，近牛尾海，叫苗田。田東為露營灣，田西為張公山。苗田為個半島仔，突入牛尾海，或為竹角名之由來。露營灣沿海南行，就到白水碗個沙灘，無幾遠就係香港科技大學。而沿海經張公山北行，就到澳仔村。由此西行南圍路，就到南圍。

攷

• 〈竹角〉。