第34屆厄瓜多爾總統選舉
第34屆厄瓜多爾總統選舉響2017年2月19號同4月2號舉行[1]。
第34屆厄瓜多爾總統選舉
| |||||||||||
|---|---|---|---|---|---|---|---|---|---|---|---|
‹ 2013 •  • 2021 ›
| |||||||||||
| 2017年2月19號 | |||||||||||
| 選舉類型 | 總統 | ||||||||||
| 選舉制度 | 單選區絕對多數制 | ||||||||||
| 選舉統計 | |||||||||||
| 第一輪選民人數 | 12,816,698 | ||||||||||
| 第二輪選民人數 | 12,816,698 | ||||||||||
| 第一輪總投票數 | 10,470,174 | ||||||||||
第一輪總投票百分比
| |||||||||||
| 81.63% ▲ 0.54% | |||||||||||
| 第二輪總投票數 | 10,635,574 | ||||||||||
|
第二輪總投票百分比
| |||||||||||
| 82.98% ▲ 1.65% | |||||||||||
|
|
莫雷諾－ 主權祖國聯盟運動
| ||||||||||
| 第一輪投票數 | 3,716,343 | ||||||||||
| 第二輪投票數 | 5,062,018 ▲36.2% | ||||||||||
| 39.36% | |||||||||||
| 51.16% | |||||||||||
|
|
拉索－ 創造機會運動
| ||||||||||
| 第一輪投票數 | 2,652,403 | ||||||||||
| 第二輪投票數 | 4,833,389 ▲82.2% | ||||||||||
| 28.09% | |||||||||||
| 48.84% | |||||||||||
| 選票分佈圖 | |||||||||||
| |||||||||||
5,062,018 主權祖國聯盟運動
4,833,389 創造機會運動
| |||||||||||
 厄瓜多爾總統 | |||||||||||
制度 編輯
根據選舉法，首輪得票過半數嘅候選人直接贏出。如果攞到四成選票，同時領先對手超過十個百分點嘅話，亦唔使第二輪投票，直接贏出[1]。
背景 編輯
厄瓜多爾選舉委員會宣布延遲公布總統選舉投票結果，選舉委員會主席波索話，由於一啲投票記錄文件出現甩漏、字跡唔清嘅事，將會響嚟緊三日入面解決問題同公布選舉結果，目前未知使唔使搞第二輪投票[2]。
但最終首輪投票結果入面，莫雷諾同拉索嘅得票率分別係三十九同二十八個百分點，排頭兩名。莫雷諾攞到唔夠四成嘅選票出綫第一輪投票，兩人要響第二輪投票再決高低[3]。
厄瓜多爾今次選舉被睇做係「路線之爭」，響第一輪投票得票率同選前嘅民意調查都話，莫雷諾選情較好。不過鄰國委內瑞拉近日爆出政治危機，被對手發炮攻擊莫雷諾嘅選情[3]。
4月3號，第二輪投票厄瓜多爾一千二百八十萬個選民會用手上一票，選出未來4年管治國家嘅領導人[3]。
分析 編輯
分析認為，經過科雷亞十年鐵腕管治，厄瓜多爾人求變心切，或者會令厄瓜多爾跟其他拉美國家一樣「向右轉」。而科雷亞同委內瑞拉總統馬杜羅份屬好友。選前委內瑞拉爆出最高法院代替國會行使立法權風波，或者會令到唔少厄瓜多爾游離選民傾向支持變天[3]。
候選人 編輯
主權祖國聯盟運動 編輯
選戰進入最後階段時，主權祖國聯盟運動候選人莫雷諾不斷批評對手、前銀行家拉索「離地」，指控對方響國家1999年金融危機時藉機獲利。而佢響選前最後一場造勢大會，亦盡力塑造自己「貼地」形象，聲稱自己識得體諒一般大眾情況，理解佢哋嘅夢想[3]。
創造機會運動 編輯
創造機會運動候選人拉索就打著親商界嘅經濟牌，主張自由經濟，吸引外資，要透過減稅同創造就業刺激國內因為油價偏軟而導致疲弱嘅經濟[3]。
拉索響投票之後亦話，投票畀佢嘅選民代表向改變投下信心一票，令厄瓜多爾重拾自由[3]。
意見 編輯
現任總統 編輯
高舉「21世紀社會主義」旗號嘅現任總統科雷亞響投票開始後冇耐就去所屬票站投票。佢形容今次選舉非常重要，厄瓜多爾人民要選擇「向右轉」，定係畀進步勢力重新抬頭，佢呼籲選民投票畀會延續佢扶貧路線嘅候選人。佢講候選人正係佢屬意嘅黨友莫雷諾[3]。
民意調查 編輯
3月尾公布嘅民意調查入面，莫雷諾亦以五成二嘅支持率力壓拉索，但差距仍響統計誤差範圍入面，意味著兩個人支持度勢均力敵[3]。
結果 編輯
第一輪投票 編輯
點票人員響投票完咗，開始數票工作。初步結果話，響民意調查一路領先嘅執政主權祖國聯盟運動候選人、前副總統莫雷諾攞到三成九選票，領先保守派候選人拉索大約十個百分點[1]。
第二輪投票 編輯
厄瓜多爾總統選舉第二輪投票結果，兩名候選人親商界、傾右嘅拉索，同執政黨、中間偏左嘅莫雷諾爭持激烈[3]。
當地四個票站調查入面，有三個結果都話拉索以三至六個百分點擊敗莫雷諾，其中一個曾準確預測初選結果調查，更話拉索領先莫雷諾多達六個百分點。但係另一個調查就話莫雷諾以四個百分點贏出。不過莫雷諾響票站調查結果公布後會見支持者，聲稱自己已經響選舉入面贏出，又批評票站調查誤導。不過由於結果太接近，兩個人都話自己贏出選舉[3]。
當局已經點算超過九成七選票。執政黨候選人莫雷諾以二個百分點領先對手、前銀行家拉索[4]。
後續 編輯
莫雷諾宣布自己贏出選舉，未等正式結果出爐，就響競選拍檔陪同下同支持者見面，佢表示會立即開始換屆工作。科雷亞亦已經祝賀佢贏出，全國選舉委員會促請各方冷靜，又呼籲候選人承認選舉結果[4]。
不過拉索話選舉有舞弊拒絕承認落敗，要求重新點票，佢質疑點解二月初選時要三日先完成點票，今次就極速完成，認為選舉有舞弊，要求重新點票。佢警告總統莫雷諾唔好玩火，又呼籲支持者和平示威抗議[4]。
響厄瓜多爾最大城市瓜亞基爾，大批拉索支持者上街示威，拒絕承認莫雷諾當選。佢哋湧到去國家選舉委員會響當地嘅辦事處出面，部分人企圖衝入辦事處，同警方發生衝突。警方施放催淚氣體，之後民眾陸續散去。國家選舉委員會響首都基多辦事處出面，亦發生同類事件，示威者幾乎衝到辦事處門口，但係被警方攔截[4]。