第6屆肯雅總統選舉

第6屆肯雅總統選舉響2017年8月8號舉行。

第6屆肯雅總統選舉
肯雅選舉政治專題
‹ 2013 •  • 2017 ›
2017年8月8號
選舉制度				單選區簡單多數制
選舉統計
選民人數						19,611,423
總投票數						15,593,050
‎總投票百分比 無效選票　　　　　　　　411,510
							79.51% ▼ 6.4%
			肯雅塔－全國聯盟黨
			投票數				8,223,369 ▲3.7%
									54.17%
			奧廷加－橙色民主運動黨
			政黨聯盟			國家超級聯盟
			投票數				6,822,812 ▲1.2%
									44.94%
肯雅總統
選前 肯雅塔 全國聯盟黨						選後 第6屆肯雅總統重選 重選

肯雅最高法院響9月上旬裁定選委會冇依照憲法舉行選舉，宣布大選結果作廢，重下令響六十日之內重新舉行選舉。肯雅選舉委會員響9月5號宣布10月重新舉行大選。

背景

肯雅全國有一千九百萬選民，呢次選舉選出總統之外，同時亦會搞埋國會同地方選舉。

選舉之前發生多單暴力事件，最嚴重一單發生7月底，不明身份槍手襲擊肯雅副總統魯托位響西部城市埃爾多雷特嘅屋企，佢當時唔響屋企到。

自從肯雅實行多黨制選舉之後，經常發生暴力事件，最嚴重一單發生響2007年，導致一千一百人死亡。

候選人

肯雅塔

爭取連任嘅總統肯雅塔促請各方保持和平。佢響電視講話入面呼籲選民踴躍投票，投票之後和平等結果出來。

奧廷加

奧廷加就話，擔心選舉出現操控，又話當局響全國動用十五萬個安保人員，企圖恐嚇選民。

結果

現任總統肯雅塔攞到超過五成四選票，成功連任。

後續

肯雅選舉委員會響12號公布一度延遲嘅總統選舉結果，反對派奧廷加拒絕承認，認為黑客入侵選舉用嘅網絡伺服器，認為現任總統肯雅塔搶掠佢贏嘅結果，佢又到首都奈羅比一個貧民區要求支持者14號拒絕做嘢，15號將有重要公布。總統選舉結果公布引發首都奈羅比市郊貧民區同第三大城市基蘇木連續兩日爆發嚴重暴力衝突，防暴警察響大型車輛上面施放催淚氣體。警方亦承認，有警員響當地開槍企圖平亂，導致有人死亡。當局話，至少十六個人死咗。人權組織話，由選舉到13號，已經造成廿四人死亡。

當地13號朝早局勢暫時平靜，各方促請肯雅反對派停止使用暴力，包括歐盟同英國。聯合國秘書長古特雷斯促請反對派候選人奧廷加向支持者講明拒絕暴力。