第6屆肯雅總統重選
第6屆肯雅總統選舉重選響2017年10月26號舉行[1]。
第6屆肯雅總統選舉重選
| |||||||||||
|---|---|---|---|---|---|---|---|---|---|---|---|
‹ 2017 •  • 2022 ›
| |||||||||||
| 2017年10月26號 | |||||||||||
| 選舉制度 | 單選區簡單多數制 | ||||||||||
| 選舉統計 | |||||||||||
| 總投票數 | 7,653,930 | ||||||||||
總投票百分比
| |||||||||||
| 42.36% ▼ 43.55% | |||||||||||
|
|
肯雅塔－全國聯盟黨 | ||||||||||
| 投票數 | 7,483,895 ▲47.8% | ||||||||||
| 98.26% | |||||||||||
|
|
奧廷加－橙色民主運動黨 | ||||||||||
| 政黨聯盟 | 國家超級聯盟 | ||||||||||
| 投票數 | 73,228 ▼42.7% | ||||||||||
| 0.96% | |||||||||||
 肯雅總統 | |||||||||||
肯尼亞重選結果，由現任總統肯雅塔贏出，支持同反對嘅民眾分別上街集會[2]。
背景 編輯
響8月嘅選舉，肯雅塔以多對手一成選票贏出，奧廷加指選舉畀人操控，入稟法院要求推翻結果。肯雅最高法院響9月上旬裁定選委冇依照憲法舉行選舉，宣布大選結果作廢，重下令響六十日之內重新舉行選舉，係第一次有非洲國家法庭推翻總統選舉結果。奧廷加歡迎選委會10月重新舉行大選嘅決定，但係話選委會高層應該請辭，重應該就失當行為受審[1]。
9月5號，肯雅選舉委會員宣布10月17號重新舉行大選，將會由8月選舉兩個候選人總統肯雅塔同反對派領袖奧廷加再度對決，唔會再接受新提名[1]。
候選人 編輯
肯雅塔 編輯
總統肯雅塔出席選舉造勢活動時話，26號舉行總統重選係事在必行，呼籲民眾積極投票[3]。
奧廷加 編輯
反對派領袖奧廷加話，選舉過程透明度唔夠，亦冇足夠時間等佢籌備選舉，決定杯葛選舉，佢呼籲支持者投票當日示威抗議唔公平選舉[3]。
結果 編輯
選舉委員會當地時間30號公布，肯雅塔攞到百分之九十八嘅選票贏出，佢話如果反對派挑戰選舉結果，佢會響法庭有裁決之後先同反對佢嘅人溝通[2]。
後續 編輯
肯雅塔嘅支持者走上街頭慶祝，但係今次重選響反對派候選人奧廷加話選舉不公平，呼籲民眾杯葛嘅情況下，投票率只有三成九，響反對派據點、西部城市基蘇木，示威者焚燒輪胎抗議選舉結果，有民眾要求當局再次舉行公平公正嘅重選。響首都奈羅比同樣有示威者唔妥肯雅塔連任，上街示威，期間同警方爆發衝突[2]。
美國就對重選以來出現的暴力行為表示極度關注[2]。
2017年11月28號，肯雅塔喺奈羅比一個體育館宣誓就任肯雅總統，展開第二個總統任期。當局估有六萬人到場，加強首都奈羅比嘅保安，而反對派唔理警方嘅警告，號召支持者杯葛儀式，又舉行集會，悼念響2017年8月選舉期間，連串衝突入面嘅死者[4]。
分析 編輯
選前 編輯
分析認為以司法解決爭議令外界暫時平息憂慮，避免選舉暴力[5]。
攷 編輯
- ↑ 1.0 1.1 1.2 （繁體中文）肯尼亞下月重新舉行總統選舉，now新聞，響2017年9月5號搵到。
- ↑ 2.0 2.1 2.2 2.3 （繁體中文）肯尼亞重選總統 肯雅塔再次勝出，now新聞，響2017年10月31號搵到。
- ↑ 3.0 3.1 （繁體中文）肯尼亞周四如期進行總統重選，now新聞，響2017年10月24號搵到。
- ↑ （繁體中文）肯雅塔將宣誓連任肯尼亞總統 反對派號召杯葛，香港電台，響2017年11月28號搵到。
- ↑ （繁體中文）肯尼亞下月重新舉行總統選舉 不接受新提名，香港電台，響2017年9月5號搵到。