紅磡觀音廟
22°18′29″N 114°11′09″E / 22.30806°N 114.18583°E
紅磡觀音廟係香港九龍最大規模嘅觀音廟，喺紅磡差館里，係1873年由附近嘅居民夾錢起嘅，現已被評為香港一級歷史建築，更由華人廟宇委員會負責打理。但係由非華廟會嘅團體用價高者得嘅方式競投租用來營運，同傳統嘅佛教同埋道教唔同，呢啲都係由1928年基督徒立法會議員提議所訂立到而家，近年一直被提出要廢除華廟會同競投嘅制度。
歷史
編輯紅磡觀音廟喺清朝同治十二年（1873年）起嘅，由嗰時嘅紅磡三約（紅磡約、鶴園角約同土瓜灣約）嘅街坊夾錢起廟，廟門額上有「觀音廟」三個字嘅石刻，上面有「光緒己丑重修」，門口對聯就刻住：「座上蓮花，饒有西湖三月景；瓶中楊柳，分來南海一枝春」。紅磡觀音廟曾經喺光緒十五年（1889年）同宣統二年（1910年）重修過。一直以嚟，呢座觀音廟嘅香火都非常鼎盛。
每年中有四次觀音誕，分別喺農曆嘅二月、六月、九月同十一月嘅十九號。每到農曆正月廿六「觀音開庫」，都會有非常之多嘅善信來參拜同「借庫」。