紅豆沙

紅豆沙（又叫紅豆粥、紅豆湯或豆沙糖水）係東亞各國成日見到嘅糖水甜品，主要材料係紅豆同糖，喺中國南方、日本、朝鮮半島、越南、琉球等地都有紅豆沙。日文叫做「汁粉（しるこ、Shiruko）」，韓文叫做「팥죽（팥粥、Pat-Jug）」。

中式紅豆沙

日式紅豆沙「汁粉」

韓式紅豆粥

粵式紅豆沙

主要係將紅豆、陳皮、片糖同水溝埋，煮到有沙狀嘅口感就得，通常係熱食。由於成本低，所以香港酒樓晚飯後送嘅甜品通常都係紅豆沙。蓮子百合紅豆沙亦係婚宴熱門甜品，取意「百年好合」。價格昂貴嘅酒席，最值錢嘅菜色往往都係一道睇嚟簡單嘅陳皮紅豆沙，因為年份久遠嘅上等陳皮可以賣幾千蚊一斤。

起源喺香港冰室同茶餐廳嘅飲品紅豆冰就係改良自紅豆沙。

日式汁粉

汁粉喺日本係一種節分料理，而日本人除紅豆外，重會加入栗子一齊煮，伴麻糬食用。

韓式紅豆粥

加入韓式米糕食用。