紅鸛

紅鸛，又叫紅鶴、火烈鳥，係一種大隻又嘅優雅嘅水鳥。羽毛由粉紅到深紅不等，鍾意成群結隊搵食。現時可以分為 6 個種。

How to read a taxobox 紅鸛 / 紅鶴
紅鸛（喺香港動植物公園）
物種分類
界 動物界 Animalia 門 脊索動物門 Chordata 綱 鳥綱 Aves 目 Phoenicopteriformes Fürbringer, 1888年 科 Phoenicopteridae Bonaparte, 1831年 屬 Phoenicopterus Linnaeus, 1758年

分類

品種	地理分佈
大紅鸛（P. roseus）	舊大陸	非洲部分地方，歐洲南部同亞洲南部至西南部（最廣範分佈）。
小紅鸛（P. minor）		非洲（例： Great Rift Valley）至印度西北部（最多嘅紅鸛嘅）。
智利紅鸛（P. chilensis）	新大陸	溫帶南美洲嘅南部
詹姆士紅鸛（P. jamesi）		住響安第斯山脈 3500 米嘅鹹水湖。
安第斯紅鸛（P. andinus）		住響秘魯，智利，玻利維亞、阿根廷安第斯山脈上面嘅湖。
加勒比海紅鸛（P. ruber）		住響加勒比海同加拉巴戈斯群島。

同其他雀嘅關係

紅鸛同鶴嘅體型好相似，都係條頸長，對腳又長，都係成群咁住響濕地，飛嗰陣都係伸長條頸。但係，如果從演化嘅角度，就差好遠喇。由叫聲，習性，解剖學嚟睇，紅鸛同鸛好似；但由幼鳥嘅生活習性嚟睇，又同野鴨好似；但咀嘅形狀又係雀鳥中獨一無二嘅。所以到而家都重未有定論。

繁殖動向

紅鸛係一種非常靚嘅水鳥，所以早喺20世紀，威靈頓嘅國家動物園已開始搜集紅鸛嚟養，呢個亦係美國動物園史上最早嘅文獻記載。而開始大量引進紅鸛入園喺1960年代。1980年代，智利紅鸛已成為動物園主要嘅展品之一。北美洲真正成功繁殖到紅鸛嘅最早記錄喺1939年。

響香港，亦都有好幾個養紅鸛嘅地方：九龍公園，香港動植物公園，香港海洋公園同嘉道理農場暨植物園。響1992年，因為有人走入九龍公園打死咗幾隻紅鸛，當局開始加強保安同加裝閉路電視。