紙行路

紙行路（粵拼：zi2 hong2 lou6）係中國廣東省廣州市入面嘅其中一條一般嘅馬路，呢條馬路喺越秀區入面，成條馬路係南北走向。南邊從惠福西路同埋詩書路嘅交界開始，一直向北去到中山六路同埋光孝路嘅交界嗰頭。

纸行路 ZHIHANG LU

紙行路嘅道路方向標記牌

性質： 一般馬路 全長： 0.499公里 行車線： 雙向2車道 南向北嘅單行綫 地區： 廣州市越秀區 起點： 惠福西路同埋詩書路嘅交界 終點： 中山六路同埋光孝路嘅交界 主要建築： 廣州市第廿四中學 紙行路小學

概要

全長499米，闊8米，雙向2車道。成條路係單行綫，凈係可以從南邊向北邊行。

經過嘅道路

呢度啲路嘅順序係從南去到北嚟排嘅，其中加粗咗嘅字係主幹道：

• 惠福西路、詩書路
• 光塔路
• 中山六路、光孝路

史

其實呢條馬路喺古代嗰陣，係屬於廣州入面嘅其中一條巷仔，由於嗰陣時，呢條馬路喺整紙嗰行入面係出嗮名嘅，加上條路有好多間紙行響度，所以「紙行路」呢個名就係噉嚟。不過到咗1932年，廣州市政府就整闊咗條紙行街同埋南邊嘅木牌坊，起咗條紙行路。喺文化大革命嗰陣，紙行路同埋詩書路呢兩條路係嗌咗「紅書中路」呢個名，到咗1982年，呢條路就重新改返原嚟之前嘅名，啫係依家叫「紙行路」。