紫釵記 (粵劇)
粵劇《紫釵記》係唐滌生喺1956年將明朝湯顯祖寫嘅雜劇《紫釵記》改編成廣東大戲，全套劇總共有八出。第一次演出係喺1957年8月30號由仙鳳鳴劇團喺銅鑼灣波斯富街99號嘅香港利舞台（喺1995年業主希慎興業將嗰度重建成利舞臺廣場）。
唐滌生沿用湯顯祖版本嘅《紫釵記》嘅大結局，將個古仔由原本《霍小玉傳》嘅悲劇，改成才子佳人嘅有情人終成眷屬嘅喜劇。個古仔嘅主角係唐朝詩人李益（李十郎）同埋淪落貴族女仔霍小玉。
唐滌生對湯顯祖原著《紫釵記》嘅結局，做咗比較大嘅改動，增加咗「論理争夫」嘅個新情節，令套戲更加精彩。葉本（葉本即係葉紹德編撰嘅《唐滌生戲曲欣賞》），將最後一折由《節鎮宣恩》改成《論理争夫》。喺老公無返屋企多年，小玉嘅屋企基本上係入不敷支，有啲版本甚至話佢做咗妓女。小玉以低微嘅身份同盧太尉對壘，想要迫退情敵廬燕貞，實屬唔容易。
首演嘅時候十郎呢個角色係由任劍輝做，而霍小玉呢個角色係由白雪仙做之後飾演過十郎同小玉嘅出名演員有龍劍笙（十郎）、梅雪詩（小玉）等。配角方面首演係由梁醒波做開始嘅時候身份神秘，扭轉咗兩個人嘅命運，實際上係四王爺嘅黃衫客；靚次伯做盧太尉；蘇少棠做十郎嘅好朋友韋夏卿，梁醒波兼演另一個十郎嘅好朋友崔允明。
場目 編輯
- 〈墮釵燈影〉
- 〈花院盟心〉
- 〈陽關折柳〉
- 〈典賣珠釵〉
- 〈吞釵拒婚〉
- 〈花前遇俠〉
- 〈劍合釵圓〉
- 〈論理爭夫〉註1
註1：粵劇劇本初演時沿用湯顯祖《紫釵記》最後一齣嘅回目係〈節鎮宣恩〉。之後仙鳳鳴劇團喺1968年重演呢套劇嘅時候，先至由葉紹德先生提議將回目改成〈論理爭夫〉，呢個改動一直沿用到依家。
《紫釵記》嘅〈劍合釵圓〉嗰場喺香港好受歡迎，大受好評，所以曾經連續三年（1991年至1993年）攞到香港作曲家及作詞家協會「CASH最廣泛演出金帆獎（戲曲）」。
情節 編輯
唐代隴西士子李益（十郎）去長安考試嘅時候，喺元宵夜嘅長安燈市執到霍小玉跌咗嘅紫玉燕釵，然後發展到以釵定情。十郎嘅好朋友崔允明鼓勵佢，直接拜訪霍家，同佢哋提親迎娶小玉，當晚霍家就答應咗。不過十郎喺同小玉相遇之前，亦都曾經偶遇盧太尉個女燕貞。燕貞傾慕十郎嘅才華，對佢一見傾心，嗰次偶遇種落咗十郎同小玉二人分離嘅禍根。
二人新婚嘅時候，亦係李益高中狀元嘅時候。 盧太尉特意下令新科及第嘅進士一齊上門拜見，希望趁呢次見面，安排個女嘅婚事，偏偏十郎就好去，盧太尉嬲咗佢，將佢派咗去塞外參軍，斷絕咗十郎同小玉嘅音訊。李益一去就三年，小玉生活日漸艱難，仲要接濟十郎潦倒嘅老友崔允明，最後無錢用，叫侍女浣紗將紫玉釵變賣咗。三年之後，十郎被召回長安，盧太尉想再招十郎做女婿，於是用奸計，唔俾十郎返屋企，又暗中買咗小玉賣嘅紫玉釵，同十郎話小玉已經另嫁他人。
盧太尉又逼十郎嘅老友韋夏卿同崔允明做媒人 ，結果崔允明因為唔想對唔住小玉，俾盧太尉亂棍打死咗。十郎見釵在情亡，唔願再娶，想吞釵拒婚。後嚟小玉巧遇黃衫客(即係〈花前遇俠〉呢一出戲)，得到黃衫客嘅幫手，同十郎重逢。兩人知道咗真相，冰釋前嫌，十郎幫小玉將紫釵重新戴上。盧太尉知道之後好嬲，十郎再次俾盧太尉嘅爪牙捉返去，逼佢即日同燕貞成婚。(〈劍合釵圓〉)小玉再次得到黃衫客嘅幫手，闖入盧府據理爭夫。太尉話小玉闖入佢屋企，想定佢罪同埋將佢打死；喺呢個時候，最後黃衫客到咗，表明自己就係四王爺，仲指證盧太尉嘅惡行。下令再點花燭，等十郎同小玉可以聯婚，終於有情人終成眷屬。
衍生作品 編輯
電影版本 編輯
《紫釵記》曾兩次被拍攝成粵劇電影。首次被拍成電影是在1959年上映嘅，導演是李鐵。下列是為演員表：
《紫釵記》喺1977年第二次拍成粵劇電影，由金鳳影業公司出品，李鐵執導，唐滌生編劇，雛鳳鳴劇團台柱老倌主演。演員包括：
唱片版本 編輯
- 《紫釵記》粵劇全本唱片錄音。喺1966年由任白、梁醒波、靚次伯、任冰兒、蘇少棠、朱少坡同雛鳳九名成員錄製唱片《紫釵記》。
舞台劇版本 編輯
特別演出版本 編輯
手語版本 編輯
- 《紫釵記》：慈善機構龍耳喺2015年製作，由聾人粵劇團嘅手語主任帶領一群聾人用手語演繹經典粵劇《紫釵記》。
流行文化 編輯
參考資料 編輯
出面網頁 編輯
- 唐滌生：我為什麼選編帝女花和紫釵記 Wayback Machine嘅版面存檔備份
- 唐滌生《紫釵記》角色人物研究
- 《香港粵劇劇目概說1900-2002》香港中文大學音樂系教授陳守仁著，ISBN 978-9628-104130